Psalms 118:17 - Bible Ni Thothup

¹⁷ Dab gum’, ya bay gu par ni gubfos nggu weliy murung’agen e tin ke rin’ SOMOL.

Psalms 118:17 Referans Kwoze

John 11:4

Ma nap’an ni rung’ag Jesus me yog ni ga’ar, “Ke yib e m’ar ngak Lazarus, machane wenegan e liliy ni keb ngak e dabi yan i aw ni yam’; ya ke yodorom ni fan e nganog e sorok ngak Got, me ir e ngkunog e sorok ngak Fak Got riy.”

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Psalms 6:5

U lan e fayleng ko yam’ e dariy be’ ni ga ra yib ngan’ riy; ma dariy be’ nra pining e sorok ngom u rom.

Habakkuk 1:12

SOMOL, ka nap’an ko tabolngin ni ga be par ni gur e Got. Gur e Got rog, ni gab thothup ma bay um par ndariy n’umngin nap’am. SOMOL, ni Got rog nma yoror rog, kam mel’eg yu Babylon ma kam pi’ gelngirad ya nge yag nra gechig niged gamad.

Psalms 145:4

Tin ni kam rin’ e bay ni pining e sorok riy ngom u reb e mfen ngu reb; bay ur weliyed ngan nang e pin’en nib sorom ni kam ngongliy.

Psalms 107:22

Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 40:10

Murung’agem nrayag ni ngam mat’awnag e girdi’ ngom e dagu tay rog ni go’ gag e nggu nang; gubin ngiyal’ ni gu ma weliy fanam yul’yul’ nge ayuw ni gama pi’. Dawor gu th’ab gulungag u lan e mu’ulung rok urngin e girdi’ rom ni gu be weliy murung’agen fanam yul’yul’ nge t’ufeg rom ni dabimus.

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

Jeremiah 51:10

Be ga’ar SOMOL, “Girdi’ rog mu tolulgad ni nge lungmed, ‘I SOMOL e ke gagyelnag ni gadad bmat’aw. Darod nga doged ko girdi’ nu lan yu Jerusalem e n’en nike rin’ SOMOL ni Got rodad.’”

Psalms 119:13

Bay gu sul u daken gubin e motochiyel rom ni ka mu pi’ nggu weliy nib ga’ lamag.