Psalms 115:1 - Bible Ni Thothup

¹ Kemus ni gur, A SOMOL, kemus ni gur e thingar ni gilnagem, ma gathi gamad, ni bochan e t’ufeg rom nge fanam yul’yul’ ni dabimus.

Psalms 115:1 Referans Kwoze

Isaiah 48:11

N’en ni gu be rin’ e ku gu rin’ ni fan ngog — dab gu pag fithingag ngan m’aynag fan ara gu pag be’ nge fanay boch bugwag nib milfan ngog ni go’ gag ngay.”

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Psalms 96:8

Mpininged e sorok nga feni maluplup fithingan SOMOL; mfeked ba maligach ngam badnag ngalan e Tempel rok.

Ezekiel 36:32

Israel, gu ba’adag ni ngam nanged ni gathi nggu rin’ urngin e pin’ey ni bochmed. Gu ba’adag ni ngar mu tamra’gad mi gimed thamiy fenmed thiyar u wan’ e girdi’ ni bochan e n’en ni gimed be rin’. I Gag SOMOL ni Th’abi Tolang e gu be yog e pi thin ney.”

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Ezekiel 36:22

“I Gag SOMOL ni Th’abi Tolang e ba’aray e thin rog ni ngam man mu weliy ngak yu Israel ni nge lungum: N’en ni bay gu rin’ e gathi bochmed yu Israel, ya bochan fithingag nib thothup, ni ir e um darifan niged u lan urngin e nam ni ummarod riy i yan.

Daniel 9:19

Somol, mu rung’ag e meybil romad. Somol, mu n’ag fan u wun’um e kireb romad. Somol, mu telim ngomad ma ga ngongol nge nang urngin e girdi’ ni gur e Got, dab mu sowath. Re binaw ney nge girdi’ riy e mmil suwon ngom.”

Psalms 61:7

A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

Mikah 7:20

Bay mu dag fanam yul’yul’ nge fare t’ufeg rom ni dabimus ngak e girdi’ rom, ni pi’in owchen Abraham nge Jakob, ni bod rogon ni mmicheg ngak e pi chitamangimad kakrom.

Psalms 74:22

Got, mu sak’iy ngam bigbigiy e tirom! Mu leamnag e pi’in dariyfam u wun’rad ni yad be minmin ngom ni polo’ e rran.

Psalms 138:2

Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.