Psalms 111:2 - Bible Ni Thothup

² Rib th’ab feni fel’ e tin ma rin’ SOMOL! Gubin e pi’in kar felfelan’gad ngay e yad ba’ adag ni ngar nanged fan.

Psalms 111:2 Referans Kwoze

Psalms 104:24

SOMOL, ri ba pire’ ban’en ni ka mu sunumiy! Ri gab gonop nga rogon ni mu sunumiy ni gubin! Ke sug e fayleng nga urngin e tin ka mu sunumiy!

Proverbs 24:14

ere nge mich u wun’um ni erfeni fel’ e gonop nga lanin’uy. Mu yagnag e gonop ngom me par e yafos rom ni bfel’ rogon iyan.

Psalms 143:5

Be yib ngan’ug fapi rran nike thumur; Gu be leamnag murung’agen gubin e tin kam rin’, gu be pugoran ngan’ug gubin e ngongol rom.

Psalms 139:14

Gu be pining e sorok ngom, ya gur e ngan rus ngom; urngin e tin ga ma rin’ e dabiyag ni nge tamilangan’uy riy, ma rib fel’. Gu manang u lan ngorongoreg ni polo’.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Efesus 1:19

nge feni gel gelngin ni be maruwel u fithik’ i lanin’dad e pi’in ke michan’dad ngak. Ren’en ni gelngin ney ni be maruwel u fithik’ i lanin’dad e ta’reb rogon ko fa binem i gelngin nib gel

Daniel 4:3

“Kad ngatgad ko pin’en ke dag Got ngodad! Pi maang’ang nma ngongliy e ri ba ga’! Bay i par Got ni ir e pilung ndariy n’umngin nap’an; ir e bay i gagiyeg ndariy n’umngin nap’an.

Eklesiastes 3:11

Ke turguy ngal’an urngin ban’en ke tay. Ke taydad ni gadad ba’adag ni ngad nanged e tin bay nga m’on ni bay fini yib, machane de taydad ni nge tamilangan’dad ko tin nike m’ay i leamnag rok ni nge rin’ aram ko tabolngin nge yan i mada’ ko tungun.

Proverbs 17:16

Dariy gam’ingin ngak be’ nib balyang ni nge n’ag e salpiy ko sukul, ya dariy e nangan’ rok.

Roma 8:6

Ra par lanin’med ni tin ni ba’adag e dowef romed e ir e be gagiyegnag, ma wenegan nra yib e yam’; mra par lanin’med ni tin ba’adag e Kan ni Thothup e ir e be gagiyegnag, mra yib wenegan ni yafos nge gapas.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

BABYOR NI JOB 37:7

Ir e ma taleg e maruwel rodad; ma dag ngodad ko mang e rayag rok.

BABYOR NI JOB 9:10

Dabiyag ni ngad nanged fan e pin’en nib thum’ ngaru’ nma rin’, nge pi maang’ang rok ni dabi mus.

BABYOR NI JOB 5:9

Dabiyag ni ngad nanged fan e pi gagiyeg rok, nge pi maang’ang ni yug be ngongliy ni der tal.

Isaiah 40:12

Mini’ e rayag rok ni nge l’ing e day u rigur nga pa’ nge foleg urngin ni bay, ara foleg lanelang nga pa’? Mini’ e rayag rok ni nge tay e but’ nu fayleng ngalan ba kap, ara thabthabelnag e pi burey ni gagang’ nge yochi burey?

Psalms 107:43

Pi’in yad ba gonop e mang e yugur leam niged e pin’ey; mang e yugur tafnay niged fare t’ufeg rok SOMOL ni dabimus.

Psalms 104:34

Manga yigi fel’ u wan’ e tang rog, ya ir e ke felfelan’ nigeg.

BABYOR NI JOB 37:14

Job, aygumtal boch ngiyal’, ngam motoyil; ma ga leamnag e pin’en ni bfel’ nma rin’ Got.

Psalms 118:15

Mu telmed nga lunguy ni yibe garusnag ni kan gel u lan e pi tent ko tirok Got e girdi’ ni be lungurad, “Gelngin SOMOL nib gel e ke yodoroynag!