Psalms 109:13 - Bible Ni Thothup

¹³ Mang e yigi math mit e pi’in owchen, mang e yigni pagtalin fithingan u lan e bin bayib e mfen.

Psalms 109:13 Referans Kwoze

Proverbs 10:7

Pi’in manigil e yad ra par ni bod ba tow’ath uwun’uy, machane pi’in kireb e dabi n’uw nap’an mi ni pagtilrad.

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

BABYOR NI JOB 18:19

Dariy be’ ni owchen, ma dariy be’ rok ni kabfos.

Jeremiah 22:30

“Re mo’on ney e ka ni gechignag ni nge math owchen pifak, me par ni be’ ni dabi pir’eg taban ba ragreg. Dariy reb i owchen nra gagiyeg u Judah ni nge yin’ luwan David. I Gag SOMOL e gu be non.”

Psalms 21:10

Dariy ta’reb e pi’in owcharad nra fos, fare pilung e ra li’rad ni yad gubin.

1 Samuel 3:13

Kugog ngak ni bay gu gechignag e tabinaw rok ndariy n’umngin nap’an ni bochan e fa gali pagel ni fak e karognew e thin nib kireb nib togopluw ngog. Manang Eli ni yow be rin’ e pin’ey, machane de talegrow.

Deuteronomy 29:20

Dabi n’ag Got fan rok e cha’ nra rin’ e biney. Ya damumuw rok SOMOL e ra daramram nib togopluw ngak, ma urungin e pi gafgow ni kan yoloy ngalan e re ke babyor ney e go’ ra aw ngak nge mada’ ko ngiyal’ ni ka ri thirif SOMOL facha’ u but’.

Deuteronomy 25:19

Ere nap’an ni bayi pi’ SOMOL ni Got romed fare nam ngomed, me gagiyegnag ni dabki bucheg e pi to’ogor romed ban’en romed, ni yug aram rogon ni yad ma par ni yad ba liyegmed, nopa’med ni gimed ra thang e pogofan rok e pi Amalekite ni yad gubin, ya ngar mathgad u wan’ e girdi’. Dab mu paged talin!

Deuteronomy 9:14

Dab mu guy rogon ni ngam talegeg, ya kug leamnag ni nggu thang owcherad nge dakriy be’ ni kuyad ra yib ngan’ bi’id. Ma bay gu tem ngam mang chitamngin ba nam nib ga’ ma dabi thilthil gelingrad.’

Numbers 27:4

Mangfan ni nge chuw fithingan e chitmangimad u fithik’ e girdi’ nu Israel, bochan e dariy e pagel ni fak? Mu pi’ed e gin nge milfan ngomad ko binaw rok girdi’en e chitamangimad.”

1 Kings 16:11

Yug nap’an e pilung Zimri me thang e fan rok gubin chon e tabnaw rok Baasha. Gubin e pumo’on ni girdi’en nge fager rok ma yi go’ thang e pogofan rorad.

BABYOR NI JOB 18:17

Ke math murung’agen u gubin yang; ma dakuriy be’ ni ku ra yib ngan’.

Psalms 21:11

Yad be puruy’nag e tin ba kireb nib togopluw ngak, machane dabi m’ag ngabang.