Psalms 107:42 - Bible Ni Thothup

⁴² Pi’in yad mmat’aw e ra guyed ni aram rogon, me felan’rad, ma urngin e pi’in kireb e ra th’abed gulungrad.

Psalms 107:42 Referans Kwoze

Psalms 63:11

En ni pilung e bayi felfelan’ ni bochan Got; ma urngin e girdi’ ni yad ma micheg ban’en nga fithingan Got, e bay ra pininged e sorok ngak machane l’ugun e pi’in yad ma lifith l’ugunrad e bay nning.

BABYOR NI JOB 22:19

Ma felan’ e girdi’ nib manigil ma girdi’ ni bfel’ e rorad e yad ma minmin nnap’an ni yad ra guy e pi’in kireb ni kan gechig nagrad.

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

Psalms 52:6

Pi’in nib mat’aw e bay ra guyed e ran’ey miyad rus; ma aram e bay ra garus niged gur me lungurad,

Proverbs 10:11

Thin u l’ugun e en nib mat’aw e ba thang’el ko yafos, machane welthin rok be’ nib kireb e ma upnguy e kireb rok.

Isaiah 66:14

Nap’an ni gimed ra guy ni arrogon ma gimed ra felfelan’; ma ra sulweg gelngimed mi gimed gol bayay. Ma aram e gimed ra nang ni Gag SOMOL ni gu be ayweg e pi’in be fol rog, ma gu be dag e damumuw rog ngak e pi to’ogor rog.”

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.

Exodus 11:7

Machane mus nga ba pilis ma dabi tolul ngak be’ nu Israel fa gamanman rorad. Ma aram e bay mu nang ni Gag SOMOL, e kug gagyelnag piyu Israel rok piyu Egypt.”