Psalms 106:8 - Bible Ni Thothup

⁸ Machane aywegrad, ni bod rogon ni micheg, ni bochan e nge dag feni gel gelngin.

Psalms 106:8 Referans Kwoze

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Roma 9:17

Ya ga’ar e babyor nib thothup ngak Farao, “Kug pilungnigem ni ba’aray fan, bochan e nggu maruwel ngom nge yag ni gu dag gelngig, min nang fithingag u fayleng ni polo’.”

Ezekiel 20:44

Ngiyal’ ni gu ra mithmith ni nggu gilnag bugwan fithingag, ma gimed e girdi’ nu Israel e gimed ra nang ni Gag SOMOL, ni bochan e dag fulweg taban e kireb romed, ni bod rogon ni susun e nge aw ngomed.” I SOMOL ni Th’abi Tolang e keyog e pi thin ney.

Ezekiel 20:22

Machane da gu rin’, ni bochan e ra kirebnag fithngag u fithik’ e pi nam ni kar guyed ni gu fek yu Israel nga wuru’ yu Egypt.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Psalms 143:11

SOMOL, mu ayuweg e pogofan rog, ni bod ni kam micheg; fanam ma’taw e ngam ayuwegneg ngay ko pi oloboch rog!

Psalms 111:6

Ke dag gelngin ko girdi’ rok ko pi binaw ni tafen piyu bang nike pi’ ngorad.

Exodus 18:8

Ma aram me weliy Moses ngak Jethro urngin e tin ke rin’ SOMOL ngak Farao nge girdi’ nu Egypt ni bochan e nge ayuweg e pogofan rok piyu Israel. Miki weliy ngak murung’agen e pin’en nib mo’maw’ nra mada’ niged piyu Israel u kanawo’ nge rogon ni ayuwegrad SOMOL nde buch ban’en rorad.

Joshua 4:24

Urngin e girdi’ nu fayleng e bay ra nanged gelngin SOMOL ni bochan e ren’ey, ma bay um tedfan SOMOL ni Got romed ndariy n’umngin nap’an.”

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Psalms 23:3

Ma fulweg gelngig ngog. Ma pow’iyeg ko bin nib mat’aw e kanawo’, ni bod rogon ni yog ni bay i rin’.

Isaiah 48:9

“Fan e nge mathangeluwolnag e girdi’ fithingag, er fan nikug k’adan’ug ko damumuw rog; gube fil an’ug ni nge dab gu thang owchemed.