Psalms 106:45 - Bible Ni Thothup

⁴⁵ Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

Psalms 106:45 Referans Kwoze

Psalms 105:8

M’ag rok e bayi tay u gil’ ndariy n’umngin nap’an, nike micheg nga bbiyu’ e mfen.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.

Psalms 69:16

SOMOL, mu fulweg taban e meybil u fanam gol ko fare t’ufeg rom ni dabimus; mu changar ngog u fithik’ gelngin e runguy rom ni ba ga’!

Psalms 51:1

A Got, nge wurengan’um ngog, ni bochan e t’ufeg rom ni dabimus; mu chuweg e denen rog, ya ba ga’ e runguy rom!

2 Kings 13:23

machane SOMOL e ba gol mma runguyrad. Ma de pagrad nge math owcharad, machane ayuwegrad ni bochan e m’ag rok u thilrad Abraham, Isaak, nge Jakob. Dariy bangiyal’ nike pagtalin e girdi’ rok.

Exodus 32:14

Ma aram me thiliyeg SOMOL laniyan’, ma daki fek fare riya’ i yib ngak e girdi’ rok ni fa’ani yog ni nge rin’.

Isaiah 63:7

Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Psalms 90:13

A SOMOL, uw n’umngin nap’an ni ngki par e damumuw rom? SOMOL mu runguy e pi tapigpig rom!

Amos 7:6

Me thiliyeg SOMOL laniyan’ bayay me ga’ar, “Ku er rogon e biney ni dabki yodorom.”

Amos 7:3

Me piliyeg SOMOL laniyan’ me ga’ar, “N’en ni kam guy e dabki yodorom.”

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Psalms 135:14

I SOMOL e ra n’ufeg e girdi’ rok; ma ra i kirban’ ngak e pi tapigpig rok.

2 Samuel 24:16

Nap’an ni deg fare engel rok SOMOL ni nge gathay yu Jerusalem, me thilyeg SOMOL lanyan’ ko gechig ni ngan tay ko girdi’ me ga’ar ngak fare engel ni be thang e fan rorad, “Mu tal! Ya ke gaman!” Ngiyal’nem e bay fare engel u charen e gin ma gunugunuy Araunah nu Jebus e grain riy.

Deuteronomy 32:36

I SOMOL e bayi ayuweg e tirok e girdi’ u pa’ e to’ogor rorad ko ngiyal’ nra guy ni kem’ay gelngirad. Bayi runguy e pi’in yad be pigpig ngak ko ngiyal’ nra guy ni’in i yad e ke magey.

Levitikus 26:45

Bay ku gu be’echnag fare m’ag ni gu ngongliy u thilmad e pi chitmangirad kakrom nnap’an ni gu dag gelngig ngak e pi nam ni gubin ni fa’an gu fek e girdi’ rog nga wuru’ yu Egypt, ni bochan e gag SOMOL e nggu mang Got rorad.”

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

Psalms 136:23

De pag taldad ko ngiyal’ nda mo’waergad; t’ufeg rok e ba manemus;

Jeremiah 18:8

ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Ezekiel 16:60

Machane bay gu tayfan fare m’ag ni gu ngongliy u thildow u nap’an ni kagab bitir, bay gu ngongliy ba m’ag u thildow nib manemus.