Psalms 105:24 - Bible Ni Thothup

²⁴ I SOMOL e gagiyegnag e tirok e girdi’ nge yib pifakrad ni pire’, me gagiyeg nagrad ngu’ur gelgad ngak e pi to’ogor rorad.

Psalms 105:24 Referans Kwoze

Deuteronomy 26:5

Ma aram e ngamog e pi thin ni ba’aray u p’eowchen SOMOL: ‘Ga’ rog kakrom e be’ u Aramea, ni be’ ndariy tafen me fek chongin e tabnaw rok nga Egypt ni ngar pired u rom. Ranod ngaram ni yad ba lich, machane miyad yo’or ngar pired ni yad ba nam nib ga’ ma ba gel.

Hebrews 11:12

Yugu aram rogon ndabkiyag ni nge fakay e bitir ni fan e ke pilibthir, machane ireray e re mo’on ni yib owchey ni pire’ ni bod rogon feni yo’or e t’uf u lanelang, ni bod feni yo’or e yan’ ni da nnang urngin.

Acts 7:17

“Ma fa’ani chugur ko fare ngiyal’ i n’em ni nge rin’ Got fare bugithin ni yog ngak Abraham ni bay rin’ ngak, ma aram e ke yo’or e girdi’ rodad ni bay u Egypt.

Exodus 12:37

Piyu Israel e ra chuwgad u Rameses ngranod ni yad be nameg yu Sukkoth. Urngin e pumo’on e gonapan 600,000 nranod u but’, nda nthe’eg e ppin nge bitir.

Genesis 46:3

Me ga’ar, “I gag Got, ni Got rok e chitamam. Dab mu tamdag ni ngam man nga Egypt; ya pi’in owchem e bay gu gagiyeg nagrad u rom ngar manged girdi’en reb e nam ni ba ga’.

Genesis 13:16

Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.