Psalms 104:32 - Bible Ni Thothup

³² Ra sap ko fayleng, me durru’ e fayleng; ma ra math ko pi burey, me waer e ath riy.

Psalms 104:32 Referans Kwoze

Psalms 144:5

A SOMOL, mu sey e tharmiy nga mub nga but’; mmath ko pi burey nge yib e ath riy.

Exodus 19:18

Ma fare Burey ni Sinai e ke ing e ath ni polo’, ni bochan e ke yib SOMOL u lang nga but’ nga daken u fithik’ e daramram. Me yan e ath riy ngalang ni bod e ath u ba tafen e nifiy, me rur fare burey nib almarin.

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

Psalms 114:7

Fayleng mu durru’ ko wub ni ke tay Somol, u p’eowchen fare Got rok Jakob,

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Amos 8:8

Ere bayi durru’ e fayleng’, ma urngin e girdi’ ni bay u daken e re nam ney e bayi kireban’rad. Re nam ney ni polo’ e bayi rur; bayi puw ngalang me sul nga but’ ni bod e lul’ ni Nile.

Jeremiah 5:22

I gag e SOMOL, ere mangfan ni damur rus gad ngog? Mang ni damur t’on gad u p’eowcheg? Gu tay e yan’ ni aram e mathil ko day, ni ba mathil nib muduwgil ni dabi th’ab e day nga barba’. Ra i malach e day, machane dabyag ni nge th’ab nga barba’; ma ra mada’ lingan e n’ew ngalang ma dabyag ni nge pil nga barba.

Psalms 77:16

A Got, nap’an ni guyem e day me rus, me durru’ t’ay e regur.

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Revelation 19:3

Mu ku rogned bayay ni ba ga’ lamrad ni lungurad, “Ke sorok Got! Ya ath ni yib ko fare binaw nib gilbuguwan ni fa’ani yik’ e bay i yan ngalang ndariy n’umngin nap’an!”

Psalms 77:19

Ga ma yan u fithik’ e n’ew, ngam th’ab nga barba’ e regur, machane, luwan em e dab ni guy.