Psalms 102:18 - Bible Ni Thothup

¹⁸ Mu yoloyed nga but’ nge nang e bin bayib e mfen e n’en ke rin’ SOMOL, ya nge tin e girdi’ ni dawor ni gargalegrad e chiney ma bay ra pining e sorok ngak.

Psalms 102:18 Referans Kwoze

Roma 15:4

Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

2 Peter 1:15

Ere bay gguy rogon ngu’um pired ndab mpaged talin e pin’ey ni gubin ngiyal’ u tomuren ni ku gum’.

1 Korinth 10:11

Urngin e pin’ey ni yib ngorad ni fan e nge fil e tin kabay e girdi’ ban’en riy, ma kan yoloy nga babyor ni nge mang ba ning chiylen ngodad. Ya gadad be par u ba ngiyal’ nike chugur ni nge taw ko tungun.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

Daniel 9:2

Bin som’on e duw ni mang pilung, e gag Daniel e ug be’eg fapi babyor nib thothup ngu’ug leamnag fa medlip i ragag e duw ni bayi par yu Jerusalem nike mogothgoth, ni bod rogon ni weliy SOMOL ngak Jeremiah ni profet.

Isaiah 43:7

Yad e girdi’ rog, ma gu sunumiyrad ni ngar ted fag.”

Psalms 71:18

A Got, chiney ni kug pilibthir ma ke mat lolgeg, e dab mu n’igeg! Mu par rog ko ngiyal’ ni gu be weliy gelngim nge fenam gel ngak gubin e mfen ni bayib.

Psalms 48:13

mu yaliyed fapi rungrung mi gimed sikengnag e pi yoror ni fan ko mael, ya ngam ga’argad ngak e bin migid e mfen:

Exodus 17:14

Me ga’ar SOMOL ngak Moses, “Mu yoloy e ran’ey nga babyor nge par ndab ni pag talin, ma gog ngak Joshua ni bay gu gagiyegnag yu Amalek ngar pired nike math murung’agrad.”

Psalms 69:34

Tharmiy nge fayleng, day nge pin’en nib fos ni bay riy, mu pininged e sorok ngak Got!