Biblia Todo Logo
Bib sou entènèt

- Piblisite -




Proverbs 9:8 - Bible Ni Thothup

8 Dariy e ngiyal’ ni ngam yal’uweg be’ nib ufanthin; ya ra fananikayem riy. Machane fa’an ga ra yal’uweg be’ nib gonop, ma ra adag dakenam.

Gade chapit la Kopi




Proverbs 9:8
23 Referans Kwoze  

Be’ nib manigil e mang e ra gechig nigeg me puwan’ ngog u fithik’ e t’ufeg, machane gag e dariy liben me fel’ u wun’ug e tayfan rok e girdi’ ni kireb, ni bochan e gubin ngiyal’ ni gu ma meybil nib togopluw ko tin yad be rin’ nib kireb.


Be’ ni der ma mit ban’en ngak e ra gafgow me par nib m’ayfan, machane en nra fol ko fonow e yira tayfan.


Dab mu guy rogon ni ngam chep ku be’ nib balyang; ya dabyag ni nangfan nge fel’ u wan’.


Girdi’ ni tolngan’ e daburad ni ngan yal’owegrad; dariy e ngiyal’ ni yad ra ning e fanow ngak e pi’in gonop.


“Dab mpi’ed ban’en nib thothup ngak e pilis ya kemus ni yad ra cheal ngar k’aded gimed; dab mon’ed e churuwo’ romed nni fek u lan l’ugun e yar nga p’eowchen e babiy, ya kemus ni yad ra yot’yot’.


Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.


Mu yal’uweg be’ mra tomuren ma ra fel’uwan’, ko bin ngu’um pi’ ngalang ko thin.


“Dabi par be’ ni be fanenikay be’, ya nge yan nge non ngak, nge dabi denen ni bochan fa’anem.


“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”


Minog ngak fare pilung nike yib Nathan ni fare profet. Ma nap’an e yib nga naun me yib i siro’ u p’eowchen fare pilung nge yan i math owchen nga but’.


Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”


Me yog David ni nga ni yan ni pining Zadok, nge Nathan, nge Benayah. Ma fa’anra bad ngak


Girdi’ nib sul laniyan’ ngak e ma motoyil ko fonow ni bfel’. Ma pi’in yad ma yog e thin ko balyang e ra yib e kireb riy ngorad.


Bitir nib gonop e ma motoyil ko fanow ko gallabthir, ma be’ nib tolngan’ e dabun ni nge dag ni ir e ba oloboch.


Be’ nib tolngan’ e thingar ni gechignag, ya nge yag ni fil e pi’in der nanged ban’en riy. Ma fa’anra ga ba gonop ma ga ra fil ban’en ko ngiyal’ ni yibe yal’uwegem.


Ma aram me par fapicha’ ni kar th’abed gulungrad ni bod rogon nike yog Hezekiah ni Pilung ngorad; dariy ta’ab bugithin nrogned.


Pi thin ney ni bay e gonop u fithik’ e rayag ni nge ga’nag e llowan’ ko pi’in kayad ba gonop, ma rayag ni ngi i pow’iy e pi’in ka yad ba sukul,


Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.


Swiv nou:

Piblisite


Piblisite