Proverbs 6:14 - Bible Ni Thothup

¹⁴ ma aram n’umngin nap’an ni yad be tanomnag e kireb u lanin’rad nib pig nga bang, miyad be k’ar oloboch u gubin yang.

Proverbs 6:14 Referans Kwoze

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Roma 16:17

Ri gu be wenignag ngomed, pi walageg, ni ngan ayuweged gimed rok e pi’in yad ma wereg e girdi’ ma yad ma kirebnag e mich rok e girdi’, ma yad ma togopluw ko machib nike yag ngomed; ere mu ted gimed u orel rorad.

Hosea 8:7

Nap’an ni yad ra yung e nifeng, ma yad ra t’ar wom’ngin ni yoko’! Bangi woldug ni grain ndar el wom’ngin e dabiyag ni nge pi’ e flowa. Ma fa’an mang e ra yib wom’ngin, ma girdi’ u bang e yad ra kay wom’ngin nge m’ay.

Ezekiel 11:2

Me ga’ar Got ngog, “Fak e girdi’, pi pumo’on ney e yad ma makath nag e kireb ma yad ma pi’ e fanow nib kireb u lan e re binaw ney.

Isaiah 57:20

Machane girdi’ nib kireb e yad bod e day nib mayko’, ni dar aw e mocha’ ko n’ew riy, ni be fek i yib e duwor nge rungdu’.

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Proverbs 22:8

Fa’an ga ra yung e awoch ko tin nde mat’aw, ma riya’ e ra yib i for riy, ma gafgow ni um tay ngak boch e girdi’ e bayi tal.

Proverbs 21:8

Pi’in nib buch e rorad e yad ma yan ko kanawo’ nib dalib, ma pi’in nde buch e rorad e yad ma rin’ e n’en ni bfel’.

Proverbs 3:29

Dariy ban’en ni ngam tanomnag ni nge gafgow e pi’in gimed bbuguliyoror riy; ya gimed ma par u ta’bang nib pagan’rad ngom.

Proverbs 2:14

pi’in yad ma pir’eg e felfelan’ ko ngongol ni kireb ma yad ba’adag e kireb ni dariy gam’ingin,

Psalms 36:4

Ma t’ar liyben e tin kireb nnap’an nra thig nga chob; dariy ban’en ni bfel’ nma rin’, ma dariy reb e kireb ni dar l’eg pa’ ngay.

Psalms 140:2

Gubin ngiyal’ ni yad be t’ar liyaben e tin kireb, gubin ngiyal’ ni yad be k’aring e malu’eg thin.

Proverbs 16:27

Girdi’ ni kireb e yad be gay rogon ni ngar gafgow niged boch e girdi’; mus ko thin rorad ma be yik ko kireb.

Proverbs 17:20

En ni ba kireb e leam nge thin rok e nge nang uwan’ ni dabi pir’eg ban’en ni bfel’ — kemus ni go’ kireb e ra i mada’eg.

Proverbs 24:8

Fa’anra urngin ngiyal’ ma ga be tanomnag e kireb, ma bayi par nga langay nge wear thim ni gur be’ ni ga ba tak’ar oloboch.

Psalms 140:3

Bolowtherad e bod e porchoyog ni tak’ad; ma pi thin rorad e bod e yub rok e porchoyog ni kobra.

Proverbs 3:32

ya SOMOL e ba fananikan e girdi’ nma rin’ e kireb, machane ma fek e girdi’ nib mat’aw ngar manged tafger rok.

Proverbs 14:22

Ra pagan’uy ngom me tay e girdi’ fam ni fa’anra um maruwliy e tin ni bfel’; ma fa’an ga ra muruwliy e tin nib kireb, ma ga be oloboch.