Proverbs 30:4 - Bible Ni Thothup

⁴ Gur bay be’ ni ka’a yan nga tharmiy kesul nga but’? Gur bay be’ nike kol e nifeng nga pa’? Gur bay be’ nike bachiy e day ngalan bang i mad fa ke duwgiliy e gin ni yan i mus e fayleng riy? Mini’ e cha’nir ni fa’anra gamnang? Mini’ be’ ni fak?

Proverbs 30:4 Referans Kwoze

John 3:13

Ya dariy be’ ni ka’a yan nga tharmiy ya kemus ni yigo’o en ni Fak e Girdi’ ni ir e yib u tharmiy nga but’.”

BABYOR NI JOB 26:8

Got e ir e suguy e manileng ko ran me tay ndabi po’ u malngin.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Deuteronomy 30:12

Gathi ban’en ni bay u lanelang. Dabiyag ni nge lungumed, ‘I mini’ e nge yan nga lanelang nge fek ngodad nga but’, nge yag nda rung’aged ma gadad fol riy?’

Revelation 19:12

Ma lan mit e bod e daramram ko nifiy, ma bo’or e te’eliyaw ni bay u lolugen. Ma bay ba ngachal ni kan yoloy nga daken, ma dariy be’ ni manang, ya go ir e manang ko be mang.

Roma 10:6

Machane ba’aray e tin ni kanog u murung’agen e mat’aw ni yima tay ngak Got u daken e mich u wun’uy ngak Kristus nike ga’ar: “Dabi lungum ngom, Mini’ e ra yan nga tharmiy?” (ya ra errogon ma ngan fulweg Kristus nga fayleng).

Deuteronomy 28:58

“Fa’anra dab mu yul’yul’gad ngu’um folgad u urngin e tin ke fil Got ngomed ni kan yoloy ngalan e re ke babyor ney, ma fa’anra da mur liyorgad nga fithingan nib pag feni manigil ma ba sorok SOMOL ni Got romed,

Isaiah 53:8

Nib ni kol min turguy ni ngan li’ ngem’ mu’un fek i yan ni ngan li’, ma dariy be’ ni rusnag ko n’en ni bay nrin’ ngak. Ni thang e fan rok ni bochan e denen rok e girdi’ rodad.

Psalms 68:18

Me yan ngalang ko gin nth’abi tolang, nike fek e pi’in ni kolrad me pi’ e pi tatogopluw e tow’ath ngak, I SOMOL ni Got e ra par u rom.

Psalms 2:7

Me ga’ar fare pilung, “Nggu weliy ngan nang e tin keyog SOMOL. Ke ga’ar SOMOL ngog, ‘I gur fakag, daba’ e kug mang chitamam.

Exodus 6:3

Gu m’ug ngak Abraham, nge Isak, nge Jakob ni gag Got ni Gubin ma Rayag Rog, machen da gog fithingag ngorad nib thothup, ni Gag SOMOL.

Judges 13:18

Me fith fare engel ngak ni ga’ar, “Mangfan ni ga ba’adag ni ngam nang fithingag? Fithingag e nge par nib mith.”

Luke 10:22

“Chitamag e ke pi’ urngin ban’en ngog. Dariy be’ ni manang ko mini’ e en ni Fak, ya kemus ni en ni Chitamangiy e manang, ma dariy be’ ni manang ko mini’ e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.”

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Psalms 24:2

I sunumeg nga daken fa yungi day nib to’ar ni bay u tan e but’, me filath e def riy u t’ay e rigur.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Genesis 32:29

Me ga’ar Jakob, “Wenig ngom, mog fithingam ngog.” Me ga’ar, “Mang ni ga be fith fithingag?” Ma aram me tay fa’anem Jakob ni ngi i fel’ wa’athan.

Exodus 15:10

SOMOL, ri ta’abyay ni mu pag athon l’ugunam me thareyrad e day; miyad ligil nga’ar ni bod e plomow.

Psalms 135:7

Ir e ma fek yungi manileng ko yoko’ u tungun e fayleng i yib; mma mateg e uluch u fithik’ e yoko’, ma ir e ma l’oeg e nifeng u lan e chibgil rok nge yib.

Isaiah 45:18

I SOMOL e sunumiy lanelang, i ir e en ir e Got! I ir e sunumeg e fayleng, ke ngongliy rogon ke par. De ngongliy nge tay ni bangi ted ndariy ban’en riy ma der tugul ban’en riy, ya tay ni ngi i par e girdi’ riy. Ir e ga’ar, “I Gag e SOMOL, ma dariy yugu reb e got ngabang.

BABYOR NI JOB 11:7

Mog, rayag rom ni ngam pir’eg e tirok Got ban’en nib to’ar? Rayag ni ngam pir’eg e gin ni mus gelngin e en ni Gubin ma Rayag Rok riy?

BABYOR NI JOB 11:8

Lan e tharmiy e gathi aram e gin ni mus Got riy, machane dab mu dad ngay. Got e manang fare fayleng ni tagil’ e yam’, machane gur e damnang.