Proverbs 29:4 - Bible Ni Thothup

⁴ Fa’anra ba ga’fan e tin yal’uw u wan’ ba pilung, ma fare nam rok e bay i gel gelngin, machane fa’anra salpiy e ba m’on u w’an, mra gathey e nam rok.

Proverbs 29:4 Referans Kwoze

Proverbs 29:14

Fa’anra ayweg ba pilung mat’wun e gafgow, mra gagiyeg nib n’uw nap’an.

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Daniel 11:20

“Ma bay yib yugu reb e pilung nga luwan, ni bayi l’oeg be’ ni ngi i kunuy e tax ya nge yo’or e salpiy ko nam rok. Dabi n’uw nap’an min li’ fare pilung ngem’, machane gathi bay nli’ ko mael.”

Proverbs 20:8

Ra par e pilung nga tagil’ ni nge pufthin, mra guy e kireb ma manang.

Isaiah 49:8

SOMOL e be ga’ar ngak e girdi’ rok, “Ra taw ko ngiyal’ ni nggu ayuwegmed ma bay gu runguymed, mu gu fulweg lungmed ni gimed be wenig ngog ni nggu ayuwegmed. Bay gu matanagiymed mu gu yoror romed, mu dakenmed e ngu ngongliy ba m’ag riy ngak urngin e girdi’. Bay gu fulwegmed bayay ngalan e nam romed nike par e chiney ni kann’ag.

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Proverbs 16:12

Pi pilung e dabi k’adan’ ko kireb, ya tin nib mat’aw e aram e n’en nma gelnag e am.

Proverbs 8:15

Gu ma ayuweg e pi pilung ngu’ur gagiyeggad nge pi’in ma gagiyeg ngu’ur ngongliyed e motochiyel ni bfel’.

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Psalms 89:14

Gagiyeg rom e ntoy nga daken e mat’aw nge yal’uw; t’ufeg nge yul’yul’ e be m’ug ko urngin e ngongol rom.

2 Kronicles 9:8

Ngu’un liyor ngak SOMOL ni Got rom! Kedag rogon feni rib felan’ ngom nike tem ni gur e pilung, ni ngu’um gagiyeg u fithingan. Bochan e ba t’uf e girdi’ nu Israel rok ma ba’adag ni nge ayuwegrad ni manemus, ke tem ni gur e pilung rorad ya nge yag ni mu tay e tin nib mat’aw ma ba yal’uw nga rogon.”

1 Kings 2:12

Me yan Solomon nga luwan David ni chitamngin nge pilung; me par gelngin nib mudugil nrogon e pilung.

2 Samuel 8:15

Me gagiyeg David u daken yu Israel ni ga’ngin ma be guy ni nge par e girdi’ rok ni gubin ngiyal’ ni yibe aywegrad ni bfel’ ma ba mat’aw rogon.

1 Samuel 13:13

Me fulweg Samuel ni ga’ar, “Ri gab balyang ko binir e pa’ ni kam rin’. Da mfol ko tin keyog SOMOL ni Got rom ngom ni ngam rin’. Fa’an mang e mfol, ma ke tem nge pi’in owchem ngu’um gagiyeg niged piyu Israel ndariy n’umngin nap’an.

BABYOR NI JOB 11:6

Ya ra yog ngom feni yo’or rogon e gonop; bay boch ban’en ni kay gi to’ar ndabi dad e llowan’ rok e girdi’ ngay. Got e be gechig nagem ni ba’achig nga rogon ni nge aw ngom.

Proverbs 14:34

Mmat’aw e ra gilnag bugwan reb e nam, ma denen e ma kirebnag thin reb e nam.

Proverbs 16:10

Ba pilung e ma non ni ba mathangeluwol lungun; ma tin ma duwgiliy e gubin ngiyal’ nib mat’aw.