Proverbs 29:25 - Bible Ni Thothup

²⁵ Ra um leamnag ko mang e be tafneynag yug boch e girdi’ ngom, ma bay riy’en, ma fa’anra pagan’um ngak SOMOL, ma dabi buch ban’en rom.

Proverbs 29:25 Referans Kwoze

Psalms 118:8

Kabfel’ ni nge pagan’uy ngak SOMOL ko bin ngan toer ko girdi’.

Luke 12:4

“Nggog ngomed e pi tafager rog ndab mu tamdaggad ngak e pi’in yad ra li’ e dowef ngem’, ma nga tomuren e dabkiyag ni ngar ngongliyed ban’en ngay ni kab gel e gafgow riy.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Psalms 91:14

Be ga’ar Got, “Bay gu ayuweg e pi’in gub t’uf rorad, mu gu yoror rok e pi’in yad manangeg.

Proverbs 16:20

Ngam tiyan’um ko tin kan fil ngom, ma ga man’og i yan; me pagan’um ngak SOMOL ma ga par ni ga ba felfelan’.

Proverbs 30:5

“I Got e der ma thilyeg e tin ke micheg. Ir e bod rogon bangi shield ngak urngin e pi’in yad ma gaweg e ayuw rok.

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 Kronicles 5:20

Miyad tay e pagan’ rorad nga daken Got ngar meybilgad ngak ni nge ayuwegrad, me fulweg Got taban e pi meybil rorad nge gagiyeg nagrad ngar gelgad ngak e pi Hagrite nge pi’in yad ngabang.

John 9:22

I yog e gallibthir rok e re bugithin ney ya kar tamdaggow ngak fapi cha’ nu Israel; ya ke mu’ i duwgiliy rok fa picha’ ni yad ma yog e thin nu Israel ni fa’anra yog be’ ni Jesus fare Messiah, ma aram e dabki yib ngalan tafen e mu’ulung bi’id.

John 3:2

Me reb e neap’ me yib ngak Jesus me ga’ar ngak, “Tamchib, gamad manang ni gur ba tamchib nike l’ugem Got ka mub. Ya dariy be’ nrayag ni nge ngongliy fapi maang’ang ni ga be ngongliy ni fa’an gomanga de moy Got rok.”

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Genesis 20:11

Me fulweg Abraham ngak ni ga’ar, “Kug rin’ ni bochane ug leamnag ndariy be’ nma liyor ngak Got u roy ma yira li’eg ngan fek le’engig.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Genesis 26:7

Ma nap’an ni fith e pi pumo’on nu rom murung’agen e bpin rok, me yog ni re bpin nem e walagen. De yog ni iraram le’engin ya be rus nri cheal e pi pumo’on nem ngar li’ed ngar feked Rebekah, ni le’engin nrib pidorang.

Genesis 20:2

me yog ni Sarah nle’engin e walagen. Me ere yog Abimelek ni Pilung u Gerar ni ngan fek Sarah i yan ngak.

Daniel 6:23

Mri felfelan’ fare pilung me yog ni nga ni girengiy Daniel u lan fare low ngalang. Ma aram miyad girengiy ngalang miyad guy ni dariy bochiyang nike maad’ad u downgin, ni bochan e pagan’ rok ngak Got.

Eklesiastes 7:18

Ngam pilo’ riy ni l’agruw. Fa’anra bay madgun SOMOL rom, ma dabisiy nra fel’ rogom.

Proverbs 28:25

Fel’ngak e kemus ni oloboch e ma k’aring. Bfel ni nge pagan’um ngak SOMOL.

1 Samuel 15:24

Me ga’ar Saul, “Kug denen, ya da gu fol ko tin keyog SOMOL ngog nge tin mog ngog ni nggu rin’. Gu tamdag ngak e pi salthaw rog mu gu rin’ e tin nib magan’rad ngay.

Matthew 15:12

Me yib pi gachalpen me lungurad ngak, “Mog, ka mu nang ni fapi thin ni kamog e ke kireban’ fapi Farise ngay ni bochan e ke kun ngorad?”

Psalms 69:29

Ku gum’ ko amith nge ngochngochan’; A Got, mu chuwegeg u fithik’ ngam mat’aw nigeg!

1 Kings 19:3

Me rus Elijah, me mil nike milnag e pogofan rok; me un fare tapigpig rok ngak ngranow nga Beersheba ni bay u lan yu Judah. Me pag fare tapigpig rok u rom,

1 Samuel 27:11

David e ma thang e pogofan rok gubin e girdi’, ni pumo’on nge ppin, ni bochan e nge dakuriy be’ ni ngki yag rok ni nge sul nga Gath nge weliy e tin ke rin’ David nge pi salthaw rok. Irera’ e n’en ni i rin’ David u n’umngin nap’an ni par u lan yu Filistia.

1 Samuel 27:1

Me ga’ar David u wan’, “Bayi reb e rran me li’eg Saul nggum’. N’en th’abi bfel’ ni nggu rin’ e ngug mil nga Filistia. Ma aram me pageg Saul ndabki changar nigeg u Israel, mug par ndariy ban’en nra buch rog.”

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Deuteronomy 1:17

Dab um laniyan’gad ngak boch e girdi’ ko tin gimed be turguy; mu turguyed e kireb rok e girdi’ ni ta’reb rogon, ni demturug ko ir mini’. Dab mu rusgad ngak be’, ya rogon ni gimed ra turguy ban’en e ke yib rok Got. Ma fa’anra bay reb e yu pa’ i oloboch ney ni kay gi momaw’ ngomed mi gimed fek i yib ngog, mug turguy e n’en ni ngan rin’ ngay.’

Psalms 91:1

En nra yan ngak SOMOL ni nge dabi buch ban’en rok, en be par u tanggin gelngin e ayuw rok e En ni Gubin ma Rayag Rok,

Psalms 119:117

Mu chubiyeg ngalang, nggu par ni dabi buch ban’en rog, ma gubin ngiyal’ ni bay ug tiyan’ug ko tin kamog ni ngan rin’.

Judges 16:11

Me ga’ar ngak, “Fa’anra ni m’ageg ko gaf ni kab be’ech ndawor ni maruwel ngay, mu gu par ni kug waer ni bod e yug girdi’.”

1 Samuel 21:13

Ere thilyeg pangin u p’eowcharad, ngi i dake aliliynag ir ngi i ngongol ni bod ba aliliy u nap’an ni yad be guy rogon ni ngar taleged; be yolyol nga daken e garog ko fare binaw, me pag ngubocen ngi i ser u raben nga but’.