Proverbs 29:23 - Bible Ni Thothup

²³ Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Proverbs 29:23 Referans Kwoze

Matthew 23:12

Ma en nra tolangnag ir e yira sobut’nag nge sobut’an’, ma en nra sobut’nag ir e yira tolangnag.

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

Proverbs 11:2

Pi’in yad ba tolangan’ e rib pay nra m’ing kowonrad. Ka ba gonop e en ba sobut’an.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.

Proverbs 16:18

Tolngan’ e be sor i yan ko riya’, ma ufanthin e be sor i yan ko gin yira mul riy.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Proverbs 18:12

Pi’in tolangan’ e yad be bibiy e riya’ i yan; dariy be ni yira tayfan nge mada’ ko ngiyal’ nike sobut’an.

Matthew 18:4

En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Deuteronomy 8:16

u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.

BABYOR NI JOB 40:12

Mu sap ngorad ngam fulwegrad nga but’; mu pirdi’iy e pi’in nib kireb ko gin ni yad ba sak’iy riy.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

BABYOR NI JOB 22:29

I Got e ma girengiy nga but’ e pi’in ba tolangan’rad mma ayuweg e pi’in ba sobut’anrad.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Proverbs 16:19

Kabfel’ ni ngam sobutan’ ma ga par ni ga ba gafgow ko bin ngam mang be’ nib tolangan’ ngam un i f’oth e tin kar laged u fithik’ e yargal.

Proverbs 17:19

Ra ga ba’adag e denen ma kag ba’adag e k’ar oloboch. Fa’anra ga be yin’ ufan e fel’rogon nga dakenam ma aram e oloboch e ga be ning.

Proverbs 22:4

Um par ni bay madgun SOMOL u wan’um, ma ba sobutan’um, me yo’or ban’en rom, ma ga par ni yibe ta’fam, me n’uw nap’am.

Obadiah 1:3

Tolngan’ rom e ir e ke ban nigem. Tochuch rom e kan yororiy ko war nib el; tafnam e bay ngalang u fithik’ e pi burey, ma kam ga’ar u wun’um, ‘Mini’ e rayag rok ni girngiyeg nga but’?’