Proverbs 29:15 - Bible Ni Thothup

¹⁵ Fanow nge dumow e bfel’ ko bitir. Ma fa’anra fare tir e tin ba’adag e be rin’, mra tamra’nag e chitiningin.

Proverbs 29:15 Referans Kwoze

Proverbs 17:25

Bitir nib balyang e ma gafgownag lanyan’ e chitamngin mma ngochngochan’nag lanyan’ e en ni diyennag.

Proverbs 29:17

Mu llowan’nag fakam mrayag ni mu par ni gubin ngiyal’ ni ga ba uf ngak. Ma dabi rin’ ban’en ni nge k’aring e tamra’ ngom.

Proverbs 13:24

Fa’anra dab mu gechignag fakam, ma de t’uf rom. Fa’anra bt’uf rom, ma ga ra yal’uweg.

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Proverbs 22:6

Mu fil ngak e bitir rogon nthingar ra pired, mi i par u wan’rad u n’umngin nap’an e yafos rorad.

Proverbs 22:15

Gubin e bitir ni yad bbalyang, ma yad ba wagagey, machane yira toyrad ni yibe llowan’ nagrad ni bfel’ rogon miyad ra fil riy rogon ni ngi i par pangirad ni bfel’.

Proverbs 17:21

Go’ kirban’ nge gafgowan’ e ra i tay e gallabthir rok e bitir nib balyang ngongolen.

Proverbs 10:5

Be’ nib tamilngan’ e ma t’ar wom’ngin e woldug u ngal’an; ma ri ba tamra’ ni ngu’un mol ko ngiyal’ ni ngan t’ar wom’ngin e woldug.

Proverbs 29:21

Fa’anra um pi urngin e tin ba’adag e tapigpig rom u nap’an ni kabbitir i yib, mra reb e rran mra suwey urngin ban’en ni fanam.

Proverbs 19:18

Mu fanownag pifakam ko ngiyal’ nikyad bitir ni yad be fil ban’en. Ma fa’anra dab mu rin’, me gur e kam aywegrad ni ngar kireb nagedyad.