Proverbs 29:1 - Bible Ni Thothup

¹ Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Proverbs 29:1 Referans Kwoze

Proverbs 6:15

Bochan e ran’ey, ma bayi aw e riya’ ngorad nib tomgin, ngar maad’adgad nib gel.

1 Samuel 2:25

Fa’anra ngongliy be’ e kireb ngak be’, mi Got e rayag rok ni nge fal’eg thilrow, machane mini’ e rayag rok ni nge fal’eg thilin Got nge be’ nike ngongliy e kireb nib togopluw ngak SOMOL?” Machane dar motoyilgow ko tin be yog e chitamangirow, ya ke turguy SOMOL ni nge thang e pogofan rorow.

Proverbs 28:18

Mu yul’yul’ ma ga par ni dabi buch ban’en rom. Ma fa’anra dam yul’yul’ ma ga ra mul nib tomgin.

John 13:18

“Gathi gimed gubin ni gu be weliy murung’agmed; gu manang e pi’in kug mel’egrad. Machane thangri yib i m’ug nib riyul’ e tin ke yog e babyor nib thothup nike ga’ar, ‘Fare mo’on ni i kay e ggan rog e ke cheal ke togopluw ngog.’

John 13:26

Me fulweg Jesus ni ga’ar, “Bay gu lthag e flowa ko n’en ni yibe lthag ngay nge mu’ mu gu pi’ ngak; ma aram e cha’ ni ir.” Me fek bangi flowa nge lthag nga fithik’ fa pin’em, nge mu’ me pi’ fa gi flowa ngak Judas, ni Simon Iskariot e chitamngin.

Acts 1:25

ni nge fek e re gaf i maruwel ko apostel ney nike pag Judas ke yan ko gin ni ir e mmil suwon ngay.”

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Acts 1:18

Salpiy ni yagnag Judas ko ngongol nib kireb e ni chuw’iy bangi binaw ngay, ni aram e gin ni mul riy u lang nge yim’; me po’ e yal rok nge wear gathon nga but’.

Nehemiah 9:29

Um ning chiylen ngorad nthingar ra folgad ko fonow rom, ma fithik’ e tolangan’ rorad miyad n’ag e pi motochiyel rom, ni yugu aram rogon ni kanawo’ ko yafos e Motochiyel rom ni ngan fol riy. Feni gel lanin’rad nge farad gelan’, miyad siyeg ni ngar folgad.

2 Kronicles 36:13

I Nebukadnezzar ni Pilung nu Babylon e gelfen ngak Zedekiah nge micheg u fithingan Got ni nge par nib yul’yul’. Ma ba gelan’ me siyeg ni nge pi’ keru’ ko denen rok nge sul ngak SOMOL, ni fare Got nu Israel.

2 Kronicles 33:10

Yug aram rogon ni ginaeng SOMOL i Manasseh nge girdi’ rok ko kireb rorad, mar gel niged lanin’rad ndar motoyilgad ngak.

1 Kings 22:28

Me ga’ar Mikayah ngak Ahab, “Fa’an ga ra sul nde buch ban’en rom, me ere gathi SOMOL e ke non u l’ugunag!” Me ul ul ngay ni ga’ar, “Gimed gubin ni ngam rung’aged fapi thin ni kugog!”

1 Kings 18:18

Me ga’ar Elijah, “Gathi gag e kug gafgownag yu Israel, ya gur, ni gur nge chitamam. Dakumur folgow ko thin rok SOMOL ma gimew be tayfan fapi liyos ni ya’an Baal.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Samuel 2:34

Ma rofen nra yim’ fa gali pumo’on ni fakam ni Hofni nge Finehas, e aram e bay mu nang ni tin kugog ngom e bay i yib i m’ug nib riyul’.

Jeremiah 17:23

Pi chitamangirad e da ur motoyilgad ngog fa ra tiyan’rad ko tin gog. Ya ra pig gad nge gel lanin’rad; ni da kur folgad rog ara rafiled ban’en rog.

Isaiah 48:4

Gumnang ni bay um pired ni gimed ba gel’an, ni bod feni el e wasay ma dab m’inggad ni bod e bronze:

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

1 Kings 20:42

Me ga’ar fare profet ngak fare pilung, “Irera’ e thin rok SOMOL: ‘Bochan e kam pag fare mo’on ke mil ni aram facha’ ni kugog ni ngan li’ nge yim’, ma aram e yafos rom e nge thay ni puluwon, ma fa raba’ i salthaw rom e bay ni thirif u but’ ni bochan e kar paged fa raba’ i salthaw rok kar milgad.’”

BABYOR NI JOB 9:4

I Got e rib gonop ma rib gel gelngin; dariy be’ nrayag ni nge chugur ni nge ta’reb gelngirow.

Proverbs 28:28

Ngiyal’ ni pi’in kireb e be yog e thin, mra i mith e girdi’. Machane fa’an yad ra mul ko liw rorad me gagiyeg e pi’in nib mat’aw.

Jeremiah 36:31

Ma bay gu gechig nigem nge pi’in owchem, nib mu’un e pi tolang rom ngay ni yad bay u tan pa’am, ni bochan e denen ni kam ngongliyed ni gimed gubin. Ya gur nge girdi’ nu Jerusalem nge girdi’ nu Judah e ug gineangmed ma dariy bigimed ni motoyil, ere bay gu girengiy nga dakenmed ni gimed gubin e riya’ ni fa’an gu weliy.”

Habakkuk 2:7

Gimed ra gin, gimed e pi’in kam koled boch e girdi’ ko mael, ma kam awgad nga fithik’ e malfith, ma bay ni gelfen ngomed ni ngam pi’ed e ris riy. Pi to’ogor e bay rabad mu um t’on gad. Bay ra giliw niged gimed!

Exodus 9:7

Me fith Farao murung’agen, me pir’eg ndariy ta’reb e gamanman ni fak piyu Israel ni yim’. Machane me gelnag Farao laniyan’ nde pag piyu Israel ngranod.

Proverbs 28:14

Mu fol rok SOMOL ni gubin ngiyal’ ma ga ra par ni ga ba felfelan’. Ma fa’anra ga ba gelan’ ma ga ra gafgow.

Isaiah 28:22

Dab mminmingad ko n’en ni gu be ginangmed ngay! Fa’an gimed ra minmin, ma ra gel fene mom’aw ni ngam milgad. Ku gu rung’ag ni SOMOL ni Gubin ma Rayag Rok e nge kirebnag ga’ngin fare binaw.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.