Proverbs 28:17 - Bible Ni Thothup

¹⁷ Be’ nib buch e rok ko mathang pogofan e be ker e low rok nike musmus payngin. Dab mu guy rogon ni ngam taleg.

Proverbs 28:17 Referans Kwoze

Genesis 9:6

En nra thang e pogofan rok reb e girdi’ e ku bayi cheal be’ nge thang e pogofan rok. Ya girdi’ e ni ngongliy ni bod ya’an Got.

1 Kings 21:19

Mog ngak ni gag SOMOL e be lungug ngak, ‘Mog, kam thang e pogofan rok Naboth, ma ngkum fek tafen ngam tafnay?’ Mog ngak ni be lungug, ‘Gin’en ni i lil’ e pilis racha’en Naboth riy e ireram e gin ku bayi lil’ e pilis e racha’ rom riy!”

Exodus 21:14

Machane ra damumuw be’ nge li’ be’ nge yim’ ni leam rok, ma dariyfan nike mil ko altar rog ni nge dabi buch ban’en rok, ya yira thang e fan rok.

Acts 28:4

Me guy e girdi’ ko fare donguch e re porchoyog nem nike yabochboch nga pa’ Paul miyad yog rorad ni lungurad, “Re mo’on nem e dabisiy ni ir be’ nike thang e pogofan, yugu aray rogon nike thap nga arow nde yim’ u maday, machane taban e kireb nma pi’ e kan e dabkiyag ni nge thay riy, ya ke muturug ni nge yim’.”

2 Kings 9:26

‘Kug guy e cham ntay ngak Naboth nge fapi pumo’on ni pifak fowap. Mu gu micheg ni ku roy u lane rengi flang ney e gu ra gechig nigem riy.’” Me ga’ar Jehu ngak fare ta’ayuw rok, “Ere mu fek e ldow rok Joram, nga mun’ nga daken fare gi flang rok Naboth, ya nge yani aw e tin keyog SOMOL nga tagil.”

1 Kings 21:23

Ma Jezebel ku ba’aray e n’en keyog SOMOL ni fan ngak, ‘Bayi longuy e pilis Jezebel u lan e binaw nu Jezreel.’

Jeremiah 41:15

Machane Ishmael nge meruk e salthaw rok e ra thaygad rok Johanan ngar milgad ko binaw nu Ammon.

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Deuteronomy 19:11

“Machane fa’anra kari leamnag be’ nib mo’on ni nge thang e pogofan rok e en to’ogor rok, me pach ngi i sonnag nge li’, nge maad’ad nib gel me yim’ facha’, me mil ngalan reb fapi binaw.

2 Samuel 13:34

Ma kangiyal’ nem me mil Absalom. Ma ba salthaw ni maurwel rok e matnag e guy ba ulung i girdi’ ni yad belog ko burey nga but’ nga daken e kanawo’ ni yib u Horonaim. Me yan ngak e en ni pilung ngeyog ngak e tin keguy.

2 Samuel 18:15

Me yib ragag e salthaw rok Joab ra li’ed Absalom ngari yim’.

1 Kings 2:29

Nap’an ni taw e thin ngak Solomon ni Pilung nike mil Joab ke yan ko fare Tent ke yan i par nga cheren e altar, me l’oeg Solomon ba tamal’og nge yan i fith Joab ko mangfan nike mil ko fare altar. Me fulweg Joab nike mil i yan ngak SOMOL ni bochan e kerus ngak Solomon. Ma aram me l’oeg Solomon ni Pilung i Benayah ni nge li’ Joab nge yim’.