Proverbs 27:8 - Bible Ni Thothup

⁸ Be’ nike chuw u tabnaw rok e bod ba arche nike chuw u tafen.

Proverbs 27:8 Referans Kwoze

Isaiah 16:2

Yad be son u mirichren e lul’ nu Arnon ni yad be chelchel ni bod e arche’ ni kan langrad u taferad.

Proverbs 21:16

Yam’ e be sonnag e en be sor i yan nga orel ko gonop.

1 Korinth 7:20

Ra be’ ma nge par ni karogon ko ngiyal’ ni taw e thin rok Got ngak me fol riy.

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

1 Kings 19:9

Me yan ngalan ba yiy u rom nge par riy e re nep’ nem. Me gin nike ga’ar SOMOL ngak, “Elijah, mang e ga be rin’ u roy?”

1 Samuel 22:5

Ma aram me yib Gad ni profet ngak David me ga’ar, “Dab mu par u roy; mman ni kachine’ ko fare nam nu Judah.” Ma aram me chuw David nge yan ko fare loway nu Hereth.

Proverbs 26:2

Buch wa’athan e dabi yib nga dakenam ni fa’anra dariy tapgin ni nge aw ngom. Ni bod rogon e arche’ ni be changag i yan ma der tal nga but’.

Genesis 4:16

Me chuw Kain rok SOMOL nge yan i par nga bangi nam ni Nod fithingan, ni bay ko ngek u Eden.

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Genesis 21:14

Ri kakadbul u reb e rran riy me pi’ Abraham boch e ggan ngak Hagar nge ba tafen e ran nike suguy ko ran. Me tay fare tir nga daken keru’ Hagar me yog ngorow ni ngranow. Me chuw Hagar u rom mi i yan u daken e ted u Beer-sheba.

Proverbs 27:7

Ra gab fos, ma ga ra siyeg e honey, machane ra gab mak’iy ma ga ra kay e ggan nib mo’oy ma ba athib u langam.

1 Kings 11:22

Me fith fare pilung, ni ga’ar, “Ni mangfan? Mog, kabay ban’en ndawori yag ni gu pi’ ngom? Ere aram fan ni ga ba’adag ni ngam sul nga tafnam?” Me fulweg Hadad lungun fare pilung, ni ga’ar, “Kemus ni ngam pageg nggu wan.” Ma aram me sul ko nam rok.