Proverbs 27:25 - Bible Ni Thothup

²⁵ Ga ra th’ab e gargear ni gan e gamanman, mfin mu th’ab e pan u thatharen e burey ma be tugul e gin migid e gergear.

Proverbs 27:25 Referans Kwoze

Proverbs 10:5

Be’ nib tamilngan’ e ma t’ar wom’ngin e woldug u ngal’an; ma ri ba tamra’ ni ngu’un mol ko ngiyal’ ni ngan t’ar wom’ngin e woldug.

Psalms 104:14

Ka mu tugulnag e pan ni fan ko garbaw, nge woldug ni fan ko girdi’, ya nge yag ni gu yunged e woldug romad,

Proverbs 27:26

Rayag ni ngam ngongliy e mad u buni’en e saf rom ma ga chuw’iy bang e binaw ko salpiy ni yag ngom ko pi kaming rom ni mu pi’ ni chuway’.

Isaiah 17:5

Ra par yu Israel ni bod bangi milay’ ni kan th’ab e grain riy ka ni t’ar wom’ngin, ni bod feni kireb e milay’ ko loway nu Refaim nap’an ni kan t’ar wom’ngin kem’ay.

Jeremiah 40:10

I gag e bay gu par u Mizpah nggu mang mit e thin romed u nap’an nra yib yu Babylon ngaray. Ma gimed e ngam ta’reb gad nga mu kunyed e wayin nge wom’ngin e gek’iy nge gepgep ni olive, nga mu cha’riyed nga langgin fare binaw ni ka mu pired ngay.”

Jeremiah 40:12

Ma aram miyad chuw ko yung i n’en nni weregrad riy, ngar sulod nga Judah. Rabad ngak Gedaliah nga Mizpah, nu rom e ra kunyed e tin yo’or e wayin nge wom’ngin e gek’iy riy.

Psalms 147:8

Ir e filath e manileng nga lanelang; me pi’ e n’uw ni fan ko but’ me tugulnag e pan u daken e pi burey.