Proverbs 27:22 - Bible Ni Thothup

²² Fa’anra mu pirdi’iy be’ nib balyang nge chugur ni nge yim’, ma dabyag ni ngam pirdi’iy e balyang rok nge chuw rok.

Proverbs 27:22 Referans Kwoze

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Proverbs 23:35

Ma bayi lungum, “Sana kan toy ban’en ngog, sana kan li’eg, machane da kug nang. Mang ndabiyag ni nge tamilangan’ug? Thingar gu wan ngkug unum e rrum bayay.”

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Exodus 12:30

Farao nge pi tolang ni bay u tan pa’ nge urngin piyu Egypt nra odgad e re nep’ i n’em, ma yibe yor ni ba ga’ lamey u Egypt, ya dariy reb e tabinaw ndawori yim’ reb e pagel riy.

Exodus 14:5

Fa’an nnog ngak Farao ni pilung nu Egypt nike mil piyu Israel, ma aram me thiliyeg Farao nge pi tolang rok lanin’rad u murung’agen piyu Israel, me lungurad, “Be mang e kad rin’ed? Kad paged piyu Israel kar milgad ndab kur manged sib rodad!”

Exodus 15:9

Me ga’ar e to’ogor, ‘Nggu lol’ograd nggu kolrad; mu gu tay e f’oth ko machaf rorad nggu fek gubin e tin gu ba’adag; bay gu girengiy e saydon rog nggu fek urngin e tin ni bay rorad.’

Proverbs 26:11

Be’ nib balyang niki sul u daken e n’en ni ka’a rin’ e bod ba pilis ni sul ko sul’ugun rok.

Jeremiah 13:23

Rayag rok be’ nib lumor downgin ni nge thilyeg ra’en dow, fa ba gamanman ni leopard ni nge luf e yung i n’en nib wupwupnun’ u downgin? Ma fa’anra yag, me’ere gur e sana ku rayag ni ngam thil ngam nang rogon i rin’ e tin ni bfel’.

1 Samuel 19:21

Ma fa’ani rung’ag Saul salaprad me ki l’oeg boch e mol’og ngranod, ma ku aram rogon ra tawgad miyad tabab i weliy e yi’iy. Me l’oeg boch e pi mol’og ngranod ni aram e bin dalip e ulung, ma fa’an ranod ma ku aram e n’en nranod rrin’ed.

1 Kings 13:33

Me Jeroboam ni Pilung nu Israel e ku de pi’ keru’ ko pi ngongol rok ni kireb miki par ngi i mel’eg e pi’in prist u lan e yug tabnaw ni ngu’ur pigpiggad ko fapi altar nike toy. Demturug e en ni ba’adag ni nge mang reb e prist me yibley nge mang reb.

Proverbs 14:24

Pi’in gonop e yira tow’ath nagrad ko fel’ rogon, ma pi’in balyang e yira nangrad nga farad balyang.