Proverbs 26:24 - Bible Ni Thothup

²⁴ Be’ nma dakebang nag ir e ma mithag e fananikan rok ko thin rok ni be pi’em ngalang.

Proverbs 26:24 Referans Kwoze

Proverbs 12:20

Pi’in yad ma t’arliben e kireb e yad ra gin ko kireb, machane pi’in yad ma maruweliy e fel’ e yad ra pir’eg e felfelan’.

Proverbs 10:18

Cha’ nma mithag e fananikan rok e ba fel’fel’ l’ugun. Ma en ni be fekthin ngi i yog i yan e bbalyang.

Psalms 41:6

Pi’in yad ma yib ni ngar guyed gag e bochan e nge chuw e thin riy; yad ma kunuy thibngig ngar weliyed i yan.

Proverbs 14:8

Mangfan ni be’ ni ba llowan’ e ba gonop? Bochan e manang e n’en ni ngan rin’. Mangfan ni be’ nib pinat e bbalyang? Bochan e ma leamnag ni manang.

Proverbs 12:17

Nap’an ni ga ra weliy e tin riyul’, min rin’ e tin ba yal’uw, machane malulfith l’ugun e ma soregney ko n’en nde yal’uw.

Proverbs 12:5

Girdi’ ni yul’yul’ e gimew ra puruy’ ni bfel’; ma be’ nib kireb e kemus ni ba’adag ni ngi i ban nigem.

Proverbs 11:1

I SOMOL e ba fanenikay e girdi’ nma maruwel ko thabthabel nde paluw’. Mma felan’ ko thabthabel nib puluw.

Proverbs 23:7

Be ga’ar, “Mmoy ngki yag boch ngom,” machane gathi aram rogon ni be leamnag. N’en ni be leamnag e ire bin riyul’ i ir.

Jeremiah 9:4

Gubin e girdi’ ni dabisiy ni ngar kol ayuwgad ko pi fager rorad, ma dariy be’ nrayag ni pagan’ ngak pi girdi’en; ya gubin pibe’ rok ni yad ba sasalap, ma gubin e girdi’ nma tunguy e thin nga daken e fager rok nge kirebnag murung’agen.

Genesis 34:13

Ma fapi pagel ni fak Jakob e ra lifithed l’ugunrad ngak Shekem nge Hamor ni chitamngin, ni bochan Dinah ni walagrad ni kan dariy fannag.

1 Samuel 18:17

Me ga’ar Saul ngak David, “Ba’aray Merab ni bin ilal e ppin ni fakag. Fa’anra mpar ni gur ba salthaw ni gab falu’ ma gab yul’yul’, ma ga be un ko pi mael rok SOMOL, ma gu ra pi’ ngom ngam leay.” (Ya be leamnag Saul ni aram kanawo’en me li’ e pi Filistine David, me par ni gathi ir e nge rin’.)

2 Samuel 13:26

Machane me ga’ar Absalom, “Ere fa’anra errogon, ma rayag ni ngam pag walageg i Amnon nge yib?” Me fith fare pilung ni ga’ar, “Mangfan nthingari yib?”

2 Samuel 13:27

Machane ri be tawasar Absalom nge mada’ ko ngiyal’ nike m’ingfen David ni nge pag Amnon nge urngin pi walagen ni pumo’on ni ngar uned ngak Absalom. Me ngongliy Absalom ba mur ni bod ba mur u reb e pilung

2 Samuel 20:9

Me ga’ar Joab ngak Amasa, “Fager rog, ke uw rogom boch?” Me yan Joab i kol roben Amasa ko ba’an mat’aw i pa’ ni bod ni nge faray owchen.

Nehemiah 6:2

Ma aram me pi’ Sanballat nge Geshem e thin nge yib ngog, ni yow be yog ni nggu mada’gad ngalan reb fapi binaw nu Ono. Ma kugnang ni bay rogon ni ka ra pur’uy nigew ni ngar gafgow nigewgag.

Psalms 12:3

SOMOL, mu taleg e pi balwoth nem ni sasalap! Mu ning e pi langef ni ufanthin nem nma ga’ar,

Psalms 28:3

Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.