Proverbs 26:21 - Bible Ni Thothup

²¹ Charkol e ma tay achiffin’ ni ba gawal; l’ud e ma tay e nifiy ni be gak’, ma pi’in ntakar oloboch e yad ma gafseg e tugthin.

Proverbs 26:21 Referans Kwoze

Proverbs 29:22

Girdi’ nib papey e damumuw ngak e ma k’aring e tugthin nge wagey.

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 30:33

Ga ra gurfiy e milik me yib ni butter. Ga ra tuguy p’ethungun be’ me yib e racha’ riy. Ma fa’anra mu k’aring e damumuw, ma ga ra aw nga fithik’ e oloboch.

Proverbs 10:12

Fananikan e ma k’aring e kireb, machane t’ufeg e ma n’agfan urngin e kireb.

Psalms 120:4

Nga gan e gat’ing ko salthaw nib m’uth, ni bay e nifiy u taban!

1 Kings 12:20

Ma fa’ani rung’ag e girdi’ nu Israel nike sul Jeroboam u Egypt, miyad pining ni nge yib nga ba mu’ulung ni nge tay yu Israel, miyad turguy ni nge mang pilung u Israel. Kemus ni go’ ganong rok Judah e par nib yul’yul’ ngak e pi’in owchen David.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”