Proverbs 25:5 - Bible Ni Thothup

⁵ Mu tay e pi tafanow ni kireb e leam rorad u orel rok fare pilung ma birok’ e am e go’ yira nang nib mat’aw.

Proverbs 25:5 Referans Kwoze

Proverbs 20:8

Ra par e pilung nga tagil’ ni nge pufthin, mra guy e kireb ma manang.

Proverbs 16:12

Pi pilung e dabi k’adan’ ko kireb, ya tin nib mat’aw e aram e n’en nma gelnag e am.

Proverbs 20:28

Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.

Isaiah 16:5

Ma aram e reb e pi’in owchen David, e bayi mang pilung, ni bayi gagiyegnag e girdi’ ko yul’yul’ nge t’ufeg. Bayi gur ni nge rin’ e tin nib yal’uw’, me guy ni ngu’un rin’ e tin nib mat’aw.)

Isaiah 9:7

Gelngin lungun nib pilung e bay i ga’ i yan; gin bay i gagiyeg riy e yugu bay i par u fithik’ e gapas. Bayi gagiyeg ni ir e ke yan nga luwan David ni Pilung, ma gagiyeg ni bay i tay e mmat’aw ma ba yal’uw, e chiney nge yan i mada’ ko tungun. I SOMOL ni Gubin ma Rayag Rok e ke turguy ni nge rin’ urngin e pin’ey.

Proverbs 29:14

Fa’anra ayweg ba pilung mat’wun e gafgow, mra gagiyeg nib n’uw nap’an.

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

1 Kings 2:46

Ma aram me l’oeg fare pilung Benayah, nge yan nge thang e fan rok Shimei. Ma aram e gubin ban’en e ngiyal’nem ma ke milfan nga tan pa’ Solomon.

1 Kings 2:33

Gechig ni fan ko pogofan rorow nthang e bayi aw ngak Joab nge nga daken e pi’in owchen ni dariy n’umngin nap’an. Machane SOMOL e gubin ngiyal’ ni bayi tay ni pi’in owchen David ngi i par ko pilung.”

1 Kings 2:45

Machane bayi fal’eg wa’athag, ma bayi tay e gagiyeg rok David ni dariy ban’en nra buch riy ni dariy n’umngin nap’an.”

Proverbs 25:6

Nap’an ni ga ra sak’iy nga p’eowchen fare pilung, ma dab mu guy rogon ni ngam fel’ u owchen nga mu dake gur be’ nib sorom.