Proverbs 25:4 - Bible Ni Thothup

⁴ Ra nchuweg e tin ba alit u fithik’ e silber ma en nib salap ko dumow ban’en e rayag ni nge fal’eg ban’en ni bfel’ ya’an riy.

Proverbs 25:4 Referans Kwoze

Ezekiel 22:18

“Fak e girdi’, piyu Israel e dakriy farad ngog. Kar boded e chabung ni alit ko wasey ni copper, kobre, iron, nge lead nike magey ko gini ku’un urfiy e silber riy.

Proverbs 17:3

Gol nge silber e yima sikengnag ko nifiy ma gumircha’en e girdi’ e SOMOL e ma sikengnag.

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

Proverbs 25:3

Dabyag ni ngam nang e n’en nma tafinaynag ba pilung; ya leam rok e dabi taw e leam rodad ngay, bod feni tolang lanelang ara feni to’ar lan e regur.

Proverbs 26:23

Thin ni de yul’yul ni be mithag e tin nriyul’ ni bay u lanin’um e bod e ma’achaw u dow ba thib’ ni be mithag e tha’al riy.

Psalms 66:10

Got, gur e kam sikeng nagmad; ni bod e silber ni kan be’echnag ko nifiy, aram rogon ni kam sikeng nagmad.