Proverbs 25:1 - Bible Ni Thothup

¹ Ku ba’aray boch e thin rok Solomon ni bay e gonop riy, ni yoloy boch e tolang u tafen e puf oloboch rok Hezekiah ni Pilung nu Judah.

Proverbs 25:1 Referans Kwoze

Proverbs 1:1

Thin nib gonop ni taban e thin rok Solomon ni fak David ma pilung nu Israel.

1 Kings 4:32

Me kameg dalip e bbiyu’ yu bugithin nib machib ma bay e gonop u fithik’ ma bpag e bbuyu’ e tang niki tunguy.

Mikah 1:1

Ba’aray e thin rok SOMOL ni yib ngak Mikah nu Moresheth ko ngiyal’ ni ba’aram ni i pilung Jotham, nge Ahaz, nge Hezekiah u Judah, nra chuw bagayad me yib bagayad nga luwan. Me dag SOMOL ngak Mikah e pin’en ni bay yib nga Samaria nge nga Jerusalem.

Hosea 1:1

Irera’ e thin ni pi’ SOMOL ngak Hosea, ni be’ nib mo’on ni Beeri e chitamngin, ko fa ngiyal’nem ni Uzziah, nge Jotham, nge Ahaz, nge Hezekiah e ur pilunggad u Judah, ni bayi chuw bagayad me yib bagayad nga luwan; mi Jeroboam ni bmo’on ni Joash e chitamngin e ir e pilung nu Israel.

Isaiah 37:2

Me l’oeg Eliakim ni ir e ma tay murung’agen e maruwel u tafen e en pilung, nge Shebna ni tayol u tafen e puf oloboch, nge pi’in pi’lal ko prist ngranod ngak Isaiah ni profet nib mo’on ni fak Amoz. Ku mad ni tutuw e karon’ed.

Isaiah 36:22

Me guchithiy Eliakim, Shebna, nge Joah e mad rorad ni kari taganan’rad miyad yan ngar thapaged ngak e en pilung fapi thin nike yog fa’en ga’ ko salthaw nu Assyria.

Isaiah 1:1

Re babyor ney e bay murung’agen yu Judah nge yu Jerusalem riy nrogon ni dag Got ngak Isaiah ni be’ nib mo’on ni Amoz e chitamngin, ko fa ngiyal’ ni Uzziah, nge Jotham, nge Ahaz, nge Hezekiah e ur pilunggad u Judah, nra chuw bagyad me yib bagyad nga luwan.

Eklesiastes 12:9

Machane bochan e Filosofer e ba gonop, made tal i machibnag e girdi’ ko n’en ni manang. I fil e yubug i thin ni bay e gonop riy mri tayan’ i sikengnag rogon feni rriyul’ e yubugithin nem.

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Proverbs 24:34

machane nap’an ni kag be mol, ma gafgow e bayi og ngom ni bod ba mororo’ ni bay talin e cham rok.