Proverbs 24:17 - Bible Ni Thothup

¹⁷ Dabi felan’um ko ngiyal’ nra mada’nag e to’ogor rom e riya’, ma dab mu girig ko ngiyal ni yad ra dol’.

Proverbs 24:17 Referans Kwoze

Obadiah 1:12

Thangri dab mu girig ngak pibe’ rom nu Judah ko buch wa’athan ni kar ted. Thangri dab mu felfelan’ e rofen nem ni pil nga pa’rad. Thangri dab mu minmin ngorad ko buchbuchan’ ni kar ted.

BABYOR NI JOB 31:29

Dariy bi’id nike gafgow e pi to’ogor rog me felan’ug ngay, ara buch ban’en rorad nib gel e gafgow riy mu ggirig u wun’ug ngorad;

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

Psalms 42:10

Kug parde’ ko thin nib kireb ni be yog e pi to’ogor rog ngog, ya kar pired ni yad be fith ngog ni be lungurad, “Bu uw e Got rom?”

Psalms 35:19

Dab mu pag e pi to’ogor rog ni yad bogi sasalap l’ugun, ngar giriggad ni ku gu waer. Dab mu pag e pi’in yad be fananikayeg ni dariy tapgin ngar felan’gad ni ku gu gafgow.

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Judges 16:25

Yad be garus u fithik’ e felfelan’ me lungurad, “Ngan pining Samson nge yib, ya ngi i palag owchadad!” Ma fa’anra feked Samson nga wuru’ e kalbus mu’ur moninggad ngak, minib ni sak’iynag nga thilin e duga’ ko fare naun.

2 Samuel 3:32

Min k’eyag Abner u Hebron, me yor fare pilung nib ga’ laman u rom ko fare malangne yam’, ma ku errogon gubin e girdi’.

Proverbs 24:18

Fa’anra ga be girig ma ra nang SOMOL, ma dabi m’agan’ ngay; ma aram e sana dabi gechignag fa’anem.

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.