Proverbs 24:16 - Bible Ni Thothup

¹⁶ Demturug urngin yay nra paraw e girdi’ nib yul’yul’, ma gubin yay ma kuyad ra sak’iy; machane riya’ e ma thang mit e pi’in kireb.

Proverbs 24:16 Referans Kwoze

Psalms 34:19

En nib mat’aw e bo’or e gafgow nma yib ngak, machane SOMOL e ma chuweg u fithik’ ni gubin.

Psalms 37:24

Ra chey ni dol’, ma dabi magach u but’, ya SOMOL e ra ayuweg nge sak’iy ngalang.

BABYOR NI JOB 5:19

Gubin yay ni ir e ma ayuwegnem ni dabi buch ban’en rom;

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Proverbs 13:17

Pi tamal’og ni dabi pagan’uy ngorad e yad ra k’aring e oloboch, ma pi’in yima pagan’uy ngorad e yad ma fek e gapas i yib.

Amos 5:2

Israel nib fal e ke me’waer ke thig, Ma dabkiyag ni nge sak’iy bayay! Ke thig kan n’ag u daken e but, Dariy be ni ayweg nge suwonnag.

Psalms 52:5

Are Got e bayi tem ko bin but’ e fol ni dariy n’umngin nap’an; bayi tharbegem u tafnam; bayi chuwegem ko fayleng ko pi’in bafos.

1 Samuel 26:10

Miki ul ul David ngay nge ga’ar, “I SOMOL ni be par nib fos, e ir e bayi thang e pogofan rok Saul, ndemturug ko bay yim’ nrogon e yam fa bay yim’ u fithik’ e mael.

Psalms 7:16

Ere gechig ko kireb rorad e ke aw ngorad ma wodmang rorad e be maad’ad ngorad.

Ester 7:10

Ma aram mi ni uchuliy Haman nge yim’ ko fare fen e mo’ochol nike chamey ni fen Mordekai. Aram me m’ay e damumuw rok fare pilung.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Amos 8:14

Ma pi’in nra mow gad nga fithingan fapi liyos nu Samaria, nma lungurad, ‘U fithingan fare got nu Dan’ ara ‘Fithingan fare got nu Beersheba’ — e pi girdi’ nem e yad ra aw nga but’ ma dab kur suwongad bayay.”

1 Samuel 31:4

Me ga’ar ngak fare pagel ni be fek talin e cham rok, “Mu girengiy e saydon rom u tafen ngam li’eg nggum’, ya nge dabyag ni moning nigeg e pi Filistine ney ndar nanged Got miyad thang e fan rog.” Machane fare pagel e ka yigi gel e marus ngak nde yag ni rin’. Ma aram me girengiy Saul e birok e saydon u tafen nge pag ir nga taban.

Psalms 34:21

Kireb e ir e ra thang e fan rok e pi’in kireb e leam rorad; pi’in yad be fanenikay e pi’in nib mat’aw e bay ni gechig nagrad.

Psalms 79:12

Somol, mu fulweg labgen ngak e pi nam ni medlip yay ni bochan urngin e thin ni kireb ni yad be rugoy ngom.

Proverbs 6:15

Bochan e ran’ey, ma bayi aw e riya’ ngorad nib tomgin, ngar maad’adgad nib gel.

Proverbs 24:22

Pi girdi’ nem e rayag ni ba tomgin e riya’ nga pulworad. Mog gamnang e re riya’ nra pi’ Got ara fare pilung?

Jeremiah 8:4

I SOMOL e yog ngog ni ngug ga’ar ko girdi’ rok, “Fa’anra dol’ be’ nga but’, ma gathi ngki sak’iy ngalang? Ma fa’anra thilyeg be’ taban’ e kanawo’, ma gathi ngki sul nga tomur?

Jeremiah 18:17

Bay gu wereg e girdi’ rog u p’eowchen e to’ogor rorad, ni bod rogon e fiyath ni aw nifngin e ngek ngay nge wereg ngalang. Bay gu pi’ keru’ug ngorad; dab gu aywegrad ko ngiyal’ nra yib e riya’ ngorad.”

Genesis 19:35

Ma aram miyow pi’ e wayin ngak nge chingnag e re nep’ i n’em, me yan e bin bitir ko fa gali ppin ni fak Lot ngak Lot ngar pirew e nep’ nem. Ma ku aram rogon ni kari chingnag nde nang.

Numbers 32:23

Ma fa’anra da mu ted u gil’ e n’en ni kam og niged, ma nggog ngomed e chiney ni bay um denengad nib togopluw ngak SOMOL. Dabi maruwar u wun’med; ni yira gechig nagmed ni bochan e denen romed.

Proverbs 13:21

Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Ezekiel 7:5

Irera’ e n’en ni be yog SOMOL ni Th’abi Tolang: “Bayi malay e riya’ nga dakenmed.