Proverbs 24:15 - Bible Ni Thothup

¹⁵ Dab mbod be’ nib kireb nma guy rogon ni nge mro’ro’ ko girdi’ ni yul’yul’ ara fek e tabnaw rorad u pa’rad.

Proverbs 24:15 Referans Kwoze

Acts 9:24

machane minog ngak e n’en ni kar leam niged ni ngar rin’ed. Miyad matnagiy e pi garog ni yan ngalan binaw ni rran nge neap’ ni fan e ngar thanged e pogofan rok.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Isaiah 32:18

Pi naun rok e girdi’ rok Got e bay un par riy u fithik’ e gapas ma dabi buch ban’en rorad, ma kem’ay e magafan’ rorad.

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Acts 25:3

ni nge ayuwegrad nge fek Paul i yib nga Jerusalem, ya kar makath niged Paul ni ngan li’ ngem’ u kanawo’.

Acts 23:16

Machane me rung’ag ba pagel ni fak be’ ni bpin ni walagen Paul e re makath nem; ma aram me yan nga tafen e salthaw nge weliy ngak Paul.

Matthew 26:4

miyad puruy’nag rogon ni ngan kol Jesus ni dabi nang be’ ngan li’ ngem’.

Proverbs 22:28

Dab mu gachgacheg e mathil ko binaw ni duwgiliy e girdi’ rom kakrom.

Proverbs 1:11

Fa’an mang e yad ra ga’ar ngom, “Moy, ngdarod da guyed be’ ngad li’ed ngem’! Ngad oggad ngak e pi’in ndawor ra bucheged ban’en ni fan e ngad minmingad ngay!

Psalms 59:3

Musap! Yad be son nigeg ni ngar li’edgag nggum’; girdi’ nma’angach ko cham e kar barba’gad ni yad be togopluw ngog. Ni gathi bochan e denen rog ara kug rin’ ban’en nib kireb,

Psalms 56:6

Yad be cheag ngu’ur pachgad, ngu’ur damit niged urngin e tin gu be rin’, ni yad be nameg ni ngar thanged e pogofan rog.

Psalms 37:32

En nib kireb e ma yip’ owchen ngak e en ni bfel’, ni be guy rogon ni nge thang e fan rok;