Proverbs 23:31 - Bible Ni Thothup

³¹ Dab mu pag e wayin nge waliyem ngam unum, darifan ni yagga be guy nib row ra’en ma be wuthwuth u lan e kap, ma ga ra unum me yan u ngorongorem nib munguy.

Proverbs 23:31 Referans Kwoze

1 John 2:16

Gubin ban’en nib milfan ngaray nga fayleng — ni aram e tin kireb ban’en ni yima ar’arnag, ni tin nra guy e girdi’ ma yad ba’adag ni nge yag ngodad, nge urngin ban’en ni bay u roy u fayleng nri ma uf e girdi’ ngay dariy reb e pin’ey ni yib rok e en ni Chitamangiy; ya urngin me yib rok e fayleng.

Psalms 119:37

Mu talegneg ni dabki lagan’ug ko n’en ndariy gam’ingin; mu gol ngog, ni bod nim micheg.

2 Samuel 11:2

Me reb e rran nike yan i gonowrug me od David ya i mol ni rran, nge yan ngalang nga daken e chigiy ko naun rok ntafen e pilung. Be yan u daken e chigiy, me changar me guy be’ ni ppin ni be maluk. Ma re pin nem e be’ nrib pidorang.

Mark 9:47

Ma fa’anra waliyem baraba’ i lan owchem ngam pi’ keruum ngak Got, ma ga luf! Ya kabfel’ ni ngam man ko gin nsuwon Got ni ta’ab raba’ i lan owchem ko bin ni kabay lan owchem nruw raba’ mi non’em nga fithik’ e nifiy ni dabi math bi’id.

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

BABYOR NI JOB 33:1

Are chiney o, Job e ngarim fal’eg e motoyil ko gubin e tin ba’aray ni nggog.

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Tang Ko Pitang 7:9

ma langam e bod e bin th’abi fel’ e wayin. Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.