Proverbs 23:29 - Bible Ni Thothup

^29-30 Mu dag e girdi’ ni yad ba tamu’un rrum, ni yad ma unum e rrum ni kan athkuy ban’en ngay ni nge fel’ lamen, mu gu dag ngom e girdi’ ni yad be par u fithik’ e gafgow nike gafgowan’rad ngorad, ma gubin ngiyal’ ni yad be ngongliy e tin tagan ma gubin ngiyal’ ni yad be yog ni der fel’ u wan’rad e tin bay rorad. Be par lan owcherad nib row ma be maad’ad dowrad, ni maad’ad nrayag ni ngan ayuwegey riy nge dabi yib.

Proverbs 23:29 Referans Kwoze

Efesus 5:18

Dab mu balyanggad ko wayin, ya ra kireb nagmed; machane nge sug nagmed fare Kan Nthothup.

Isaiah 5:22

Gafgow gimed! Gimed eba gilbuguwmed ko melor ko wayin! Gimed e pi m’uthan’ nge falu’ i aruy e rrum.

Isaiah 5:11

Gafgow gimed! Gimed be od nri kakadbul ngam tabab niged e unum, me blayal’ mi gimed parnag e chignag nge n’uw e nep’.

Proverbs 23:21

Pi tamu’un rrum nge pi’in yad ma abich nge pag rogon e ra yib e gafgow ngorad. Fa’anra kemus ni abich nge mol e ga be tay, ma dabi n’uw nap’an ma ga chuw ko mad nike mogchothchoth.

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Proverbs 20:1

Ra pag oren e rrum ni mu’unum me ga’ lamam me balyang ngonglem. De fel’ ni ngan chingnag.

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

Genesis 49:12

Ke row owchen ni bochan e wayin ni be unum, ma nguwelen e ba wech ni bochan e milik ni be unum.

2 Samuel 11:13

Me yog David ngak ni nge yib i un ngak ko abich ko blayal’, me pi’ David e rrum ngak nge unum nge balyang ngay. Machane re nep’ i n’em e ku de yan Uriah nga tabinaw rok, machane me yan i mol nga daken e gulgul rok u lan e singgil rok girdi’en e matanagen tafen e pilung.

Proverbs 23:20

Dab um cheg ngak e girdi’ ni tamu’un rrum, ara pi’in yad ma abich nge pag rogon.

Genesis 19:33

Miyow pi’ e wayin ngak e re nep’ i n’em nge unum; me yan e bin ilal fa gali ppin ni fak ngar pirew e chitamangirow, ma kari balyang e chitamangirow ko rrum nde nang.