Proverbs 23:23 - Bible Ni Thothup

²³ Tin nriyul’, gonop, fanow nge tamilangan’, irera’ e pin’en ni bay rogon ni ngan chuw’iy, ma ri dab mu pi’ ni chuway’.

Proverbs 23:23 Referans Kwoze

Proverbs 18:15

Girdi’ nib llowan’ e gubin ngiyal’ ni yad be nameg ni ngar filed ban’en.

Matthew 13:44

“Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.

Psalms 119:72

Fare mmotochiyel ni mu pi’ ngog e ba ga’ fan u lanin’ug ko urngin e salpiy u lan e re fayleng ney.

Proverbs 16:16

Rib fel’ nrib pag feni fel’ ni nge yag e gonop nge llowan’ ko bin nge yag e gol nge silber.

Hebrews 11:26

Ya leamnag ni gafgow ni ngan tay ko moning ni fan ngak fare Messiah e ka ba ga’ fan nga urngin e machaf nu Egypt; ni fan e i par nike yip’ owchen ko tin ni kabay ngam’on ni bayi pi’ Got ni puluwoy.

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

Psalms 119:127

Ba t’uf rog e tin kam ta’chiylen ko gol, bfel’ u wun’ug ko tin th’abi fel’ e gol.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

Matthew 16:26

Be mang e ra fel’ rogon be’ riy ni fa’anra yag ngak e re fayleng ney ni polo’, machane me thay e bin riyul’ e yafos u pa’? Bmuduwgil ndariy! Dariy ban’en nrayag ni nge pi’ be’ ngki sul e yafos rok ngak.

Matthew 13:46

Ma fa’ani pir’eg reb nrib fel’ me yan i pi’ ni chuway’ urngin ban’en ni bay rok, me fek e salpiy riy nge chuw’iy fare churuwo’ ngay.

Proverbs 17:16

Dariy gam’ingin ngak be’ nib balyang ni nge n’ag e salpiy ko sukul, ya dariy e nangan’ rok.

Revelation 12:11

Ke gel pi walagdad ngak u daken racha’en fare Fak e Saf, ngu daken e thin nib riyul’ ni ur wereged; ma bm’agan’rad ngay ni ngar paged fan e pogofan rorad ngarm’ad.

Acts 20:23

Kemus ni n’en ni gu manang e urngin e binaw nra gu taw ngay ma be yog fare Kan Nthothup ngog ni be son nigeg e kalbus nge gafgow ni bay ntay ngog.

Proverbs 9:8

Dariy e ngiyal’ ni ngam yal’uweg be’ nib ufanthin; ya ra fananikayem riy. Machane fa’an ga ra yal’uweg be’ nib gonop, ma ra adag dakenam.