Proverbs 23:10 - Bible Ni Thothup

¹⁰ Ri dab mu n’ag gil’ e mathil ko binaw romew be’, ara mu fek e binaw ni tafen e bitir ni kanim’ rorad.

Proverbs 23:10 Referans Kwoze

Proverbs 22:28

Dab mu gachgacheg e mathil ko binaw ni duwgiliy e girdi’ rom kakrom.

Zekariah 7:10

Dab mu gafgow niged e pi’in ke yim’ figirngirad, nge pi’in kanim’ rorad, fa girdi’ nu bang ni yad be par u fithik’med, ara be’ nike t’uf e ayuw rok. Ma dab umu t’ared liben ni ngam gafgow niged bigmed.’

Deuteronomy 27:17

“‘Nge bucheg Got wa’athan e en nra n’ag tagil’ e mathil rorow e en ni yow bbuguliyoror.’ “Me fulweg e girdi’ ni gubin ni lungurad, ‘Amen!’

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

Jeremiah 22:3

“I Gag SOMOL e kugog ngomed e n’en ni ngam rin’ed nib yal’uw ma bfel’. Ngan ayweg e cha’ ni kan bannag rok e cha’ nike bannag. Dab mu gafgow niged e milekag, nge pi’in kanim’ rorad, ara pi’in ke yim’ figirngirad, ma dab mu thanged e pogofan rok e girdi’ ni dariy ban’en nike bucheg u lan e gin’ey nib thothup.

Deuteronomy 19:14

“Dab mmithmitheged e mathil u thilmed e en ni gimed bbuguliyoror, ntay ni kab kakrom u lan fare nam ni SOMOL ni Got romed e nge pi’ ngomed.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Jeremiah 7:5

“Mu thiliyeged pangimed nge pin’en ni gimed be rin’. Nge bigimed mi i rin’ e tin bmat’aw ngak bigimed.

Psalms 94:6

Yad be thang e fan rok e pi’in ke yim figirngirad nge pi’in kanim’ rorad, ma yad be thang e pogofan rok e milekag ni yad be par u daken e but’ romad.

BABYOR NI JOB 22:9

Gathi kemus ni da mu ayuweg e pi’in ke yim’ figirngirad, ya ku mu mororo’ ma ga gafgownag e pi’in kanim’ rorad.

BABYOR NI JOB 6:27

Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak, ma kigmed be libeg ni ngam fla’abgad u puluwon e pi tafager nth’abi chugur ngomed!

BABYOR NI JOB 24:9

Girdi’ ni kireb e yad ma fek e madway ni dariy e chitamngin ni nge mang sib miyad fek pifak e pi’in gafgow ni labgen e malfith.

Exodus 22:22

Dab mu gafgow niged e pi’in ke yim’ figirngirad ara bitir ni kanim’ rorad.

Proverbs 15:25

I SOMOL e ma gathey e tabnaw rok e pi’in tolngan’, mma yoror u tafen be’ nike yim’ figirngin.

Jeremiah 7:6

Dab ku um guyed rogon ni nge fel’ rogomed u puluwon e girdi’ u yugu boch e nam, nge bitir ni kanim’ rorad, nge pi’in ni ppin nike yim’ figirngirad. Dab ku um thanged e pogofan rok e girdi’ ndawori bucheg ban’en u lan e re gin’ey. Dab ku um meybilgad ngak yugu boch e got ni aram e gimed be tay farad, ya ban’en nra kireb nagmed.