Proverbs 22:21 - Bible Ni Thothup

²¹ mra fil ngom ko mang e rib riyul’. Ma nap’an e yira l’oegem ni ngam gay ko mang, ma bay mu fek e fulweg riy i yib nib mat’aw.

Proverbs 22:21 Referans Kwoze

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.

1 John 5:13

Kug yoloy e re bugithin ney ni ngeb ngomed ni bochan e ngam nanged nike yag e yafos ndariy n’umngin nap’an ngomed — ni gimed e pi’in ke michan’med nga fithingan e en ni Fak Got.

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

Proverbs 25:13

Ba tamal’og nib pagan’uy ngak e rib fel’ u wan’ e en ma l’oeg, ni bod e ran ni garbeb ko ngiyal’ nib gowel ni yibe kunuy wom’ngin e woldug.

Eklesiastes 12:10

Fare Filosofer e i guy rogon ni nge yog ko thin nib simnguy, machane pi thin ni yoloy e rib riyul’.

Proverbs 1:1

Thin nib gonop ni taban e thin rok Solomon ni fak David ma pilung nu Israel.

Proverbs 1:3

Pi thin ney e rayag ni fil ngom rogon ni ngu’um ngongol u fithik’ e tamilangan’, nge rogon ni ngu’um par ni gab yul’yul’, ma ga ba yal’uw ni ga ba gol.