Proverbs 21:4 - Bible Ni Thothup

⁴ Girdi’ nib kireb e be gagiyeg nagrad e ufanthin nge tolngan’, ni irera’ e denen.

Proverbs 21:4 Referans Kwoze

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Isaiah 2:17

Tolngan’ ko girdi’ e bayi tal, me thang mit e ufanthin ko girdi’. Ma pi liyos e gubin ni bayi m’ay nga bang, ma SOMOL ni go’ ir, e bayi gilbugwan e rofen nem.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Roma 14:23

Machane fa’anra be maruwar u wan’ e n’en ni be kay ko bfel’ nra kay fa ba kireb, mra turguy Got e kireb nga daken fa’anem ko ngiyal’ ni be kay fa pin’em, ni bochan e tin ke rin’ e de rin’ u fithik’ e michan’ rok ngak Got. Yira rin’ ban’en nda nrin’ u fithik’ e michan’ ngak Got ma ba denen fare n’em.

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Isaiah 3:16

Me ga’ar SOMOL, “Amsap nga feni ufanthin e ppin nu Jerusalem! Yad be yan ni ka ra tolang naged e changar rorad. Urngin ngiyal’ ni yad ma sdadawol ma yad ma falfal’eg ya’an e yan rorad, ma pi churwa’ u tungun ayrad e be mada’ lingan ngalang.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

Isaiah 2:11

Bay i taw nga reb e rran ni bayi tal e tolngan’ ko girdi’ me math mit e ufanthin. Ma aram e SOMOL e go’ ir e bayi gilbugwan.

Proverbs 30:13

Bay boch e girdi’ ni yad ma leamnag nriyad bmanigil — rib sororad u wan’rad!

Luke 11:34

Lan owchem e bod rogon ba magal ni fan nga dowam. Fa’anra bfel’ lan owchem, ma dowam ni polo’ e ba sug ko tamilang; ma fa’anra ba tagan lan owchem, ma aram e be par dowam ni polo’ u fithik’ e lumor.

Proverbs 24:20

Be’ nib kireb e dariy rogon nga bang, dariy ban’en nike par ni be lagan’ ngay.

BABYOR NI JOB 18:5

Magal rok e en nib kireb e bay nthang; ma dakuriy bi’id ni ku ra af.

BABYOR NI JOB 18:6

Re magal ni bay u lan e tent rok e bayi math.

Psalms 101:5

Bay gu n’ag e en nma gungun’nag be’ nga dalib, Dabi k’adan’ug rok be’ nib tolngan’ ma ba ufanthin.

Psalms 131:1

SOMOL, kug pag e tolangan’ rog ma ku gu pag e ufanthin. Dak gur leamnag e tin ban’en ni kaygi ga’ ara kaygi mo’maw’ ngog.

Proverbs 6:16

Medlip ban’en ni bay ndabun SOMOL ni dabyag ni nge k’adan’ riy: changar ni ufanthin, ba yunmon nma lifith e thin, pa’ef nma thang e pogofan rok e girdi’ ndawor ra bucheged ban’en, ba leam nma tanomnag e kireb, rifrifen ay nma gur ni nge yan i ngongliy e kireb, be’ ni ir e mich u ban’en ni go’ malfith e i weliy, nge be’ nma k’aring e oloboch nga thilin e pi tafager.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”