Proverbs 21:20 - Bible Ni Thothup

²⁰ Pi’in nib gonop e yad ma par ni bfel’ rograd ma ba yu’ e urngin ngorad, ma girdi’ ni pinat e yad ma wereg e salpiy rorad u payngin ni be yib nga pa’rad.

Proverbs 21:20 Referans Kwoze

Psalms 112:3

Tabnaw rok e bayi fel’ rogon me yo’or ban’en riy, ma bayi fla’ab ni dariy n’umngin nap’an.

Eklesiastes 5:19

Fa’anra pi’ Got e fla’ab nge binaw ngak be’ me pag nge felfelan’ ko pin’em, ma dabisiy ni nge fel’uwan’ me felfelan’ ko tin ke muruwliy. Ya ireram e tow’ath ni yib rok Got.

Eklesiastes 7:11

Gubin e pi’in kabfos ma ri dabisiy ni ngar gonopgad; ya bod feni fel’ ni kan thum’nag e gayog ngom

Proverbs 15:6

Pi’in mat’aw e ma par e fla’ab rorad u pa’rad, ma pi’in kireb e ra yib e gafgow me mul e fla’ab rorad u pa’rad.

Proverbs 10:22

I SOMOL e ke fel’eg wa’tham kam fla’ab. Math’kenyil’ e dabi yon’ daken e fla’ab rom.

Luke 16:1

Me ga’ar Jesus ngak gachalpen, “Immoy be’ ni pire’ ban’en rok ni pag fan e urngin rok ngak be’ nge mang fa’anem e i ayuweg ma be gagiyegnag. Minog ngak ni fa’anem e be adbey e salpiy rok.

Luke 15:14

Me pi’ urngin e salpiy rok nge m’ay. Ma aram me yib ba uyongol nib gel ko re gi nam ni bay riy, me yan i par nri dakuriy bochi ban’en rok.

Psalms 23:5

Ga ma ngongliy e mur ni fan ngog ko gin ra guyeg urngin e pi to’ogor rog riy; ga ma gapgep nigeg ya ga ma felan’ ngog ni ku gub, ga ma suguy e kap rog nge mada’ nga marichlen.

Luke 6:45

Be’ ni bfel’ e ma fek e tin ni bfel’ ko pin’en nib manigil nike kunuy nga laniyan’; ma be’ nib kireb e ma fek e tin nib kireb ko tin nib kireb ban’en nike kunuy nga laniyan’. Ya ra be’ ma be yog l’ugun e pin’en nib sug u laniyan’.”

Matthew 25:8

Me ga’ar fa tinem e ppin ni yad bbalyang ngak fa tinem ni yad ba gonop, ‘Mpi’ed boch e gapgep romed ngomad, ya nge math e magal romed.’

Jeremiah 41:8

Machane bay ragag e pumo’on ko fare ulung nra ga’argad ngak Ishmael, “Wenig ngom, dab mu thang e pogofan romad! Bay e wheat romad, nge barley, nge gapgap ni olive, nge honey ni kan mithag u daken yung i flang.” Ma aram ma de li’rad.

Eklesiastes 10:19

Mur e ra felfelan’ nigem ma wayin e ra ba’udeg lanin’um, machane galin’ey e dabiyag ngom ni fa’anra dariy e salpiy rom.

BABYOR NI JOB 20:18

Ri bayi digey urngin e pin’en nike muruwliy; ma dariy bangiyal’ nra felfelan’ ko fla’ab rok,

BABYOR NI JOB 20:15

Fare mo’on ni kireb e sul u lugun nga but’ e pi felel’ ni i iring; Got e ra sulweg rok, ni aram rogon ni sulweg u lan e yal rok nga but’.

Proverbs 8:21

ma gu be yo’ornag ban’en rok e pi’in gu ba t’uf rorad, ni gu be suguy e pi naun rorad ko pi machaf.

Proverbs 14:24

Pi’in gonop e yira tow’ath nagrad ko fel’ rogon, ma pi’in balyang e yira nangrad nga farad balyang.

Proverbs 22:4

Um par ni bay madgun SOMOL u wan’um, ma ba sobutan’um, me yo’or ban’en rom, ma ga par ni yibe ta’fam, me n’uw nap’am.