Proverbs 21:1 - Bible Ni Thothup

¹ I SOMOL e ma gagiyegnag lanyan’ ba pilung nrib mom ni bod nma pow’iy wo’en e lul’.

Proverbs 21:1 Referans Kwoze

Proverbs 16:9

Rayag ni ngam tanomnag e pin’en ni ngam rin’, machane Got e be pow’iy e ngongol rom.

Proverbs 20:24

I SOMOL e ke duwgiliy wo’dad. Ara ra di’in me nang be’ ko uw e gin be sor e yafos rok i yan ngay?

Ezra 6:22

Medlip e rran nra madnom niged u fithik’ e felfelan’ fare Madnom ko Flowa Ndariy e Is Riy. Ba ga’ e felfelan’ nra ted ni bochan e ke pingeg SOMOL laniyan’ fare pilung nu Assyria ke runguyrad ke ayuwegrad kar toyed e tempel rok fare Got nu Israel bayay.

Acts 7:10

me ayuweg nde buch ban’en rok u urngin e gafgow ni pir’eg. Fa’ani yan Josef nga p’eowchen Farao, ni pilung nu Egypt, me fal’eg Got daken Josef ngak me pi’ Got e gonop ngak Josef. Me tay Farao Josef ni nge mang am ko nam rok nge urngin girdi’en e tabinaw rok.

Proverbs 16:1

Rayag ni ud tanom niged e tin ngu’ud rin’ed, machane Got e rib mil e thin ngak.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Psalms 106:46

Me gagiyegnag urngin e pi’in be gafgow nagrad nge kireban’rad ngorad.

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Psalms 105:25

I gagiyegnag piyu Egypt ngar fanenikayed e tirok e girdi’, ngu’ur ban niged e pi tapigpig rok.

Nehemiah 2:4

Me fith fa en ni pilung ngog ni ga’ar, “Mang e gab adag ni nggu ayuwegnem riy?” Mu gu meybil ngak fare Got nu tharmiy,

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Isaiah 44:27

Bbugithin e gog me mlik’ e rigur.

Psalms 93:4

I SOMOL e ma gagiyeg u tharmiy ni ir e th’abi tolang, ka ba ga’ nga lingan e rigur ni be chub, ma ka ba gel ko n’ew nu rigur.

Revelation 16:12

Me pu’og fa bin nel’ e engel e ba’ rok e plet nga daken fare lul’ ni ba ga’ ni Eufrates fithingan. Me mlik’ fare lul’ nge mang kanawo’ ngak e pi pilung ni ngarbad u lan e ngek.

Revelation 16:4

Me pu’og fa bin dalip e engel e ba’ rok e plet nga daken e lul’ nge alublub, me ngal’ ni racha’.

Psalms 114:5

Day, mang e buch mag mil? Me gur Lul’ ni Jordan, mang ni mu sul nga tomur?

Psalms 114:3

I changar fare day ni Red Sea me mil; me sul fare Lul’ nu Jordan nga tomur.

Jeremiah 39:12

“Man ngam gay Jeremiah ngam ayuweg. Dab mu maad’ad ngak, ma ngam rin’ e tin ni ba’adag.”

Exodus 7:3

Ma bay gu gelnag laniyan’ fare pilung, ni dabi motoyil ngom, ni demturrug feni elmarin bogi ban’en ni gu be bucheg u lan yu Egypt. Ma aram e bay gu pi’ e gechig nib gel nga daken yu Egypt mu gu gafaliy e pi ganong ko girdi’ rog nga wuru’ e re nam nem.

2 Kings 19:33

Re pa’ i kanawo’ ni yib riy e ku ir e bayi sul riy, ma dabi yib ngalan e re binaw ney. I Gag SOMOL e kugog e re thin ney.

Ezra 1:1

Re duw i n’en ni som’on ni emperor Cyrus u Persia, me gagiyegnag SOMOL laniyan’ nge yog bbugithin nga ni yoloy nga babyor nga ni be’eg ngak e girdi’ u gubin yang ni be gagyegnag. Nrin’ e ren’ey ya nge yib i m’ug nib riyul’ e tin ni yog SOMOL u l’ugun Jeremiah ni profet.

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Nehemiah 2:8

Mu ku gu wenig ngak ni nge pi’ bang e babyor ngog ni nggu pi’ ngak Asaf, ni ir e be guy fapi gek’iy ni fi’in e en ni pilung, ni nge yog ngak u babyor ni nge pi’ e ren ngog ni nga ni fanay ko pi garog ko fare naun ni ka ni yororiy ni fan ko mael ni tafen e salthaw ni matanagen e Tempel, nge ren ni ngan fanay ko yoror ko binaw, nge naun ni nggu par riy. Me pi’ pilung ngog urngin e pin’en ni gu wenignag ngak, ni bochan e ba’ Got rog.

Ester 2:17

U fithik’ fapi ppin ma Ester e th’abi adag, ma ir u fithik’ fapi ppin e ri magan’ ngak ma ba’adag daken. Ma aram me tay fare te’elyaw rok le’engin e pilung nga lolugen, me mangnag queen nike yan nga luwan Vashti.