Proverbs 20:3 - Bible Ni Thothup

³ Demturug be’ nib balyang mrayag ni nge sunumeg reb e tugthin; machane bin nib ga’fan e ngan par u orel riy.

Proverbs 20:3 Referans Kwoze

Proverbs 16:32

Kabfel’ ni ngam gumaen’ ko bin ngam ma’ngach. Kabfel’ ni ngam nang rogon i gagiyeg nagem ko bin ngam gagiyegnag e binaw ni polo’.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Proverbs 19:11

Fa’anra gur be’ ni ga ba filmungyan’, mrayag ni ngam filan’um ko damumuw rom. Nap’an nra rin’ be’ ban’en ngom nib kireb, ma ri fel’ngin e ngam n’agfan u wun’um.

Proverbs 14:29

Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

James 4:1

U uw e ma yib urngin e cham nge tugthin u fithik’med riy? Ra bad ko tin ni be ar’arnag fithik’ i dowmed ni gubin ngiyal’ ma be cham ko tin ni manang lanin’med ni ir e bfel’.

Proverbs 18:6

Nap’an nra tababnag be’ nib balyang e tugthin, ma be gay ni ngan pirdi’iy.

James 3:14

Machane fa’anra be awan’med ngak be’, fa gimed be fanenikay be’, fa reb e go’ gimed e gimed be leam nagmed, ma thingari dab mu ufanthingad ngam lifithed l’ugunmed nib togopluw ko tin nib riyul’ e thin.

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Proverbs 14:17

Girdi’ nib gel e damumuw rok e yad ma rin’ bogi ban’en u fithik’ e balyang; ma girdi’ ni yad ba gonop e yad ma par ni yad ba paslog.

2 Kings 14:9

Machane ba’aray e fulweg riy ni pi’ Jehoash ni Pilung: “Immoy ba ke rachangal ni pan u daken e Burey ni Lebanon me pi’ e thin nge yan ngak ba ke gek’iy ni cedar ni ga’ar: ‘Mu pi’ fakam ni bpin nge le’engiy fakag ni pumo’on.’ Me yib ba gamanman ni malboch ni yug be yan rok me yot’ fare ke pan nga but’.

Genesis 13:7

Ere i malu’ag thin e pi’in yad ma gafaliy e gamanman rok Abram nge pi’in yad ma gafaliy e gamanman rok Lot. (Re ngiyal’ i n’em e ka be par e girdi’ ko gi nam nem ni kanog e Kanaanite nge Perizzite ngorad.)

Genesis 13:8

Me ga’ar Abram ngak Lot, “Gadow tabnaw, ere tirom e girdi’ nge tirog e girdi’ e susun e dab ur malu’ag thingad.

Proverbs 26:17

Kabfel’ ni ngam tel yuwantel ba kus nib damumuw ko bin ngam un nga ba tugthin ni dariy rogom ngay.