Proverbs 20:23 - Bible Ni Thothup

²³ I SOMOL e ba fanenikay e girdi’ ni yad ma sasalpiy e thabthabel nge rogon i tomaleg ban’en.

Proverbs 20:23 Referans Kwoze

Proverbs 20:10

I SOMOL e ba fanenikay e girdi’ ni yad ma sasalpiy i tomaleg nge foleg ban’en.

Hosea 12:7

Be ga’ar SOMOL, “Girdi’ nu Israel e yad ba sasalap ni bod e piyu Kanaan; yad ba’adag ni yad ma sasalpiy i thabthabelnag e chugom rok e pi’in karbad nni chuway’.

Ezekiel 45:10

“Thingri urngin e girdi’ ma nge maruwel ko pi thabthabel nge pi fol nib yul’yul’:

Proverbs 11:1

I SOMOL e ba fanenikay e girdi’ nma maruwel ko thabthabel nde paluw’. Mma felan’ ko thabthabel nib puluw.

Amos 8:5

Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.

Deuteronomy 25:13

“Dab mu sasalapiy e thabthabel nge rogon i foleg ban’en.