Proverbs 19:14 - Bible Ni Thothup

¹⁴ Be’ ni pumo’on e rayag e gayog ngak ko gallabthir rok ni naun nge salpiy, machane karimus ni go’ SOMOL e ra pi’ le’engin ni be’ nib gatram.

Proverbs 19:14 Referans Kwoze

Proverbs 18:22

Ga ra pir’eg reb e bpin ni ngam le’engiy ma aram ban’en ni bfel’ ni ka mu pir’eg; ma be dag ni SOMOL e ba gol ngom.

Proverbs 13:22

Girdi’ nib manigil e ra pi’ e gayog rok nga pa’ pifak e pi’in pifak, machane gayog rok e pi tadenen e ra yan ngak e pi’in nib mat’aw.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

2 Korinth 12:14

Yane’ ni kug fal’eg rogog ni nggub gguymed e ra gub ma ireray e yay nike gaman e dalip ngay — machane gathi bay gog ngomed ni ngam pi’ed ban’en ngog. Ya gimed e gimed ba t’uf rog, ma gathi salpiy romed e ba t’uf rog. Ya gathi bitir e ma leamnag e n’en ni nge yag ngak e gallibthir rorad, ya gallibthir e ma leamnag e n’en ni nge yag ngak e bitir rorad.

Deuteronomy 21:16

Nap’an nra leamnag fare pumo’on rogon ni nge f’oth e binaw rok u pa’ pifak, ma dabi laniyan’ u rogon e f’oth ni nge tay nge pi’ e f’oth rok e bin nganni’ u pifak ni pumo’on ko bin e pagel ni fak fare pin ni ir e ba’adag.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Genesis 24:7

I SOMOL, ni ir e Got nu tharmiy, e ir e fekeg u tabinaw rok e chitamag nge nam rok pi girdi’eg, me micheg ngog ni bayi pi’ e re nam ney ngak e pi’in bayib ni owcheg. I ir e bayi pi’ e engel rok nge m’on rom nge yag ni mfek be’ ni bpin u rom nge le’engiy fakag.

Genesis 24:44

Ma fa’anra m’ag u wan’ miki yog ni nge pi’ boche ran i unum e kamel rog, ma aram e ke yan i aw ni ir e cha’ ni kam turguy ni nge le’ay fare pagel ni fak e masta rog.’