Proverbs 18:1 - Bible Ni Thothup

¹ Girdi’ nda rir m’aged yad ndak boch e girdi’ e go’ yad e yad ma leam nagedyad; ma der ma m’ag u wan’rad e tin go’ yimnang ni bfel’.

Proverbs 18:1 Referans Kwoze

Proverbs 20:3

Demturug be’ nib balyang mrayag ni nge sunumeg reb e tugthin; machane bin nib ga’fan e ngan par u orel riy.

Jeremiah 15:17

Da ug un ngak e girdi’ ko minmin nge mur ni yad be tay ni yad be felfelan’, ni bochan e maruwel ni mpi’ ngog mu gu par rog ni gu be damumuw.

Proverbs 24:21

Fakag, mu digow ngak SOMOL ma ga tayfan e pilung. Ma dab mu’un nga ban’en nma rin’ e pi’in nma togopluw ngorow;

Jude 1:19

Ireray e picha’ ni yad ma ruwraba’nag e girdi’, ni go’ tin ni yad be ar’arnag e ir e be gagiyeg nagrad, ma gathi Kan Nthothup e be gagiyeg nagrad.

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Proverbs 14:10

Felfelan’ rom e fanam; kirban’ rom e fanam. Dariy be’ nra fana’ boch.

Matthew 13:44

“Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.

Proverbs 26:17

Kabfel’ ni ngam tel yuwantel ba kus nib damumuw ko bin ngam un nga ba tugthin ni dariy rogom ngay.

Exodus 33:16

Ra di’in me nang be’ ni bfel’ u wun’um e girdi’ rom nge gag ni fa’anra dab mu un ngomad ngdarod? Ra gabay romad mra gagyelnag ni gamad ba thil ko girdi’ nu fayleng.”

Proverbs 20:19

Dugdug thin e dabyag ni nge tay ban’en nib mith. Mu tem u orel rok e girdi’ nib mak’ welthin langan.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

Mark 4:11

Me ga’ar Jesus ngorad, “Gimed e kan weliy ngomed e tin nda nnang ni murung’agen e gagiyeg rok Got. Machane boch e girdi’ e kan machibnag urngin ban’en ngorad u fithik’ e fanathin,

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Zekariah 7:3

ma ngar fithed ngak e pi prist nge pi profet e re de’er ni ba’aray: “Thingar udpired ni be kireban’dad ni bochan fare Tempel nike mogothgoth, ni ngu’ud paged e abich u lan e bin lal e pul ni bod ni kadrin’ed nike yo’or e duw ke mada’ ko chiney?”

Proverbs 3:21

Fakag, mu chichi’iy pa’am ko gonop rom nge nangan’. Dariy e ngiyal’ ngam pithig pa’am riy nge chuw rom.

Proverbs 8:14

Gu ma leamnag ban’en ni nggu rin’ mu gu rin’. Bay e tamilangan’ rog, ma gu ba gel.

Deuteronomy 14:6

demturug e mit i gamanman ma gimed ra kay ni fa’anra ba’ thilin buguli ay mma kunuy e pan ngalan k’angan nga fin i yengyeng.