Proverbs 17:22 - Bible Ni Thothup

²² Fa’anra ga ba felfelan’ ni ga ma par ma ba falay nga fithik’ i dowam. Kirkireban’ e ma mliknag e pi yil.

Proverbs 17:22 Referans Kwoze

Proverbs 15:13

Nap’an nra felfelan’ e girdi’, mra siminmingad, ma nap’an nra kireban’rad, me gafgow ya’arad.

Proverbs 12:25

Magfan’ e rayag ni iring e felfelan’ rom, machane thin ni bfel’ e ra ba’udeg lanin’um.

Proverbs 18:14

Lanin’um ni ngam par ni gabfos e ir e ra chibiyem u fithik’ e m’ar rom, machane fa’anra mul lanin’um ma aram e dakriy e n’en ni nge tilem.

2 Korinth 7:10

Ya re kireban’ nem ni maruwel Got ngay e ir e piliyeg lanin’med ngam thapgad ngak Got ere dabi kireban’ug ngay! Machane bin nu fayleng e kireban’ e ma fek e yam’ i yib ngodad.

2 Korinth 2:7

Ere chiney e ngam n’iged fan u wun’med e tin ke rin’ mi gimed pi’ e athamgil nga laniyan’, ya ri gel e kireban’ rok nge pag ir.

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Proverbs 16:24

Thin ni bfel’ e bod e honey— nib athibthib ma bfel’ nga fithik’ i dowey.

Eklesiastes 2:2

Gu wan gu pir’eg ni minmin e bbalyang, ya binem e felfelan’ e dabi fel’ ngom.