Proverbs 17:17 - Bible Ni Thothup

¹⁷ Pi tafager e gubin ngiyal’ ni yad ma dag e t’ufeg rorad. Mang gam’ingin e walag ni fa’anra dab ra puruy’ niged e gafgow rorad.

Proverbs 17:17 Referans Kwoze

Proverbs 18:24

Boch e pi tafager e der ma par thilrad ni bfel’ nib n’uw nap’an, ma boch e pi tafager e ka ba gel farad yul’yul’ ngak e walag.

1 Samuel 20:17

Ku irera’ bayay ni wenig Jonathan ngak David ni nge micheg ngak ni ngi i par David nib t’uf Jonathan rok, ni bochan e Jonathan e ba t’uf David rok ni bod feni t’uf ir rok.

Proverbs 19:7

En dariy ban’en rok e mus ngak e pi’in yad nga yal ma darir ta’gad ngak u ban’en; arfan ngay ni dariy be’ ni yow tafager. Ni demturug rogon feni gel ni be athmagiliy, ma dabiyag reb e fager ngak.

1 Samuel 18:3

Me m’ag Jonathan e fager ngak David ni ngar pirew ndariy e rofen ni nge kireb thilrow, ni bochan e rib t’uf David rok.

Hebrews 2:11

I ir e chuweg e denen ko girdi’ nge machalbog nagrad, me ir nge urngin e pi’in ke machalbog nagrad e kar pired nta’reb e Chitamangirad. Aram fan nder tamra’ Jesus ngay ni nge yog ni yad pi walagen.

Ruth 1:16

Machane me fulweg Ruth ni ga’ar, “Dab mu wenig ngog ni nggu pagem; ma dab mu guy rogon ni nge dab ku gu un ngom! Ya demturug e gin’en ni ga ra yan ngay, ma gu ra un ngom; ma demturug e gin’en ni ga ra par riy, ma gu ra un riy ko par. Girdi’ rom e bayi mang girdi’eg; ma Got rom e bayi mang Got rog.

Ester 4:14

Fa’anra dabmog ban’en ko ngiyal’ney, ma ayuw e ra yib u tharmiy ngak e Jew, ni dabi buch ban’en rorad, machane gur nge chon e tabnaw ko chitamam e go’ ra math owchemed. Mini’ e manang — sana bochan e ngiyal’n’ey nra taw ngay ma aram fan nim mang queen!”

2 Samuel 1:26

“Jonathan ni walageg, ke kireban’ug ngom; ya ri gab t’uf rog! Rogon ni ug par ni gub t’uf rom e rib fel’, kab gel nga rogon nib t’uf e pumo’on rok e ppin.”

1 Samuel 23:16

Me yan Jonathan ngak e ngaram ngi i pi’ e athamgil nga lanyan’ ma be puguran e ayuw rok Got ngak,

1 Samuel 19:2

ma aram me cheal nge weliy ngak David ni ga’ar, “Chitamag e be guy rogon ni nge thang e pogofan rom. Ere wenig ngom, mu ayuw gabul ni kadbul; mu guy rogon ngam man mmith ngabang ma ga par riy.

2 Samuel 15:21

Me fulweg Ittai ni ga’ar, “Gu be micheg ngom u daken fithingan SOMOL ni gubin ngiyal’ ni bay ug un ngom ndemturug e gin ni ga be yan riy i yan, ni mus ni fa’anra ngad m’ow.”

1 Samuel 19:3

Ma bay gub gu sak’iy u to’oben e chitamag u daken e ted ko gin’en ni ga be mith riy nggu weliy murung’agem ngak. Ma tin bay kug rung’ag e thin e bay gguy rogon ngam nang.”

Proverbs 16:28

Girdi’ ni kireb e yad ma nonnon i yan; yad ma k’aring e oloboch ma yad ma wereg e pi tafger.

Proverbs 19:13

Bitir ni balyang e ra girengiy e gafgow nga daken e gallabthir rok. Ma le’engin be’ nib ta pupuwan’ e bod ran ni be map’map’.