Biblia Todo Logo
Bib sou entènèt

- Piblisite -




Proverbs 17:15 - Bible Ni Thothup

15 Be’ ni bfel’ e rok nni gechignag ara be’ nni pag nge yan nib buch e rok — gali n’em e ba fananikay SOMOL.

Gade chapit la Kopi




Proverbs 17:15
23 Referans Kwoze  

Dab mu tungyed e thin nga daken be’, ma dab mu thanged e fan rok e en ni bfel’ e rok, ya gu ra gechignag e en ni rin’ ban’en ni ararogon.


Gimed ma fanay puluwon e sasaliyab ni ngam paged e pi’in nib kireb e rorad ngranod, ma gimed ma tay e pi’in ni bfel’ e rok ni de yag ngorad e tin mat’owrad.


De mat’aw ni ngan fol ko en nib kireb e rok mi ni pag e cha’ nib mat’aw ndabiyag ngak e tin mat’wun.


Gur ma titimo’og e os u daken e war? Gur bay be’ nma gi’ e garbaw rok e day? Machane kam pingeged e tin nib yal’uw ke ngal’ ni yub, ma kam pingeged e tin nib mat’aw ko kireb.


Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.


Kam turguyed e gechig ko pi’in ndawor ra bucheged ban’en ma kam thanged e pogofan rorad, ma dar togopluwgad ngomed.


Ma be’ nde muruwliy ban’en me mich Got u wan’, ni fare Got ni ir e ma mat’awnag e pi tadenen, e ke matha’eg Got ngak ni ir be’ nib mat’aw ni bochan e ke mich Got u wan’.


Gu manang feni kireb e denen ni gimed be rin’, nge urngin e yupa’ i oloboch ni kam ngongliyed. Gimed be gafgownag e girdi’ ni bfel’, ma gimed be fek puluwon e sasalap, ma gimed be taleg mat’won e pi’in gafgow u tafen e puf oloboch.


Gafgow gimed, gimed e pi’in ni gimed be dalibnag e tin nib mat’aw gimed be sasalpiy matwon e girdi!


Medlip ban’en ni bay ndabun SOMOL ni dabyag ni nge k’adan’ riy: changar ni ufanthin, ba yunmon nma lifith e thin, pa’ef nma thang e pogofan rok e girdi’ ndawor ra bucheged ban’en, ba leam nma tanomnag e kireb, rifrifen ay nma gur ni nge yan i ngongliy e kireb, be’ ni ir e mich u ban’en ni go’ malfith e i weliy, nge be’ nma k’aring e oloboch nga thilin e pi tafager.


Fa gal girdi’ nrib kireb e rognew u rom u fithik’ e girdi’ nike yog Naboth e thin nib kireb ngak Got nge en ni pilung, ma aram min fek Naboth nga wuru’ e binaw nga ni malangnag nge yim’.


I SOMOL e ba fanenikay e girdi’ nma maruwel ko thabthabel nde paluw’. Mma felan’ ko thabthabel nib puluw.


pi’in yad ma makath nib togopluw ngak e pi’in ni bfel’ miyad turguy ni ngan thang e fan rok e pi’in bfel’ e rok.


De fel’ ni ngan pag be’ ni bfel’ e rok nge bakking; fa’anra ni gechignag e pi’in ni bfel’ e rorad ma aram e kan dalibnag e n’en nib mat’aw.


Yad ra unum, miyad pagtalin e motochiyel miyad fek owcharad u mat’wun e girdi’ nike t’uf e ayuw rorad.


Gafgow gimed! Gimed be yog e kireb ko manigil ma gimed yog e manigil ko kireb. Gimed be thilyeg e lumor ko tamilang nge tamilang ko lumor. Gimed be ngongliy e mo’oy nge athibthib, nge tin athibthib nge mo’oy.


Ma manang e ngiyal’ ni kan siyeg rodad mat’awdad ni pi’ ngodad;


“Fa’anra yan l’agruw ni’ u Israel nga tafen e puf oloboch ni ngan pithig e oloboch rorow, min turguy bagayow ni bfel’ e rok min turguy bagayow nib kireb e rok,


Gimed be m’aynag fag u mit e girdi’ ni fan e nge yag buchu’uw e barley nge yoch yang e flowa ngomed. Gimed be thang e pogofan ko girdi’ ni dariy tapgin e yam’ ni ngar ted, mi gimed be pag e pi’in ni bay tapgin ni ngarm’ad ni yad ba fos. Ma gimed be sasalap l’ugun ko girdi’ rog ngi i mich u wan’rad e thin romed.”


Swiv nou:

Piblisite


Piblisite