Proverbs 16:8 - Bible Ni Thothup

⁸ Bfel ni bochu’uw ban’en rom nim thognag u fithik’ e yul’yul’ ko bin nge yo’or ban’en rom ni yag ngom u fithik’ e sasalap.

Proverbs 16:8 Referans Kwoze

Proverbs 15:16

Kabfel’ ni ga ba gafgow ma bay madgun SOMOL u wan’um ko bin nge yo’or ban’en rom ma der aw e gapas u wan’um.

Psalms 37:16

Chu’uw ni bay rok be’ ni bfel’ e kabfel’ boch ko machaf rok urngin e pi’in kireb;

Jeremiah 17:11

Be’ ni be fek e salpiy u fithik’ e sasalap e bod rogon ba arche ni bilig e tamango ni gathi ir e tay. Ra yan i taw nga falngin e yafos rok me mul e faab rok u pa’, ma tomuren e ir be’ ni dariy rogon kemus ni be’ nib balyang.

Mikah 6:10

U lan e pi naun rok e pi’in kireb e bay e machaf riy nra feked u fithik’ e sasalap. Yad be sasalapiy i foleg ban’en, aram ban’en ni gub fananikay.

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

Proverbs 16:9

Rayag ni ngam tanomnag e pin’en ni ngam rin’, machane Got e be pow’iy e ngongol rom.

Eklesiastes 4:6

Dabisiy ni arrogon, machane kabfel’ ni nge yag ngom ni buchuuw, nib gapas lanin’um, ko bin nge thay parwom ni gubin ngiyal’ ni ga be maruwel nga l’agruw raba’ i pa’am, ni ga be guy rogon ni ngam focholiy e nifeng.

Proverbs 15:17

Kabfel’ ni ngu’um ked e girdi’ nib t’uf rom e ggan ni go’ ggan u ta’bang, ko bin ngu’um koy e tin th’abi fel’ e ufin ko gin bay e fananikan riy.

Proverbs 17:1

Kabfel’ ni ngam koy bangi chabngen e flowa nib fangfeng u fithik’ e gapas lanyan’ ko bin ngam un ngab mur u lan ba naun nib sug ko oloboch.

Proverbs 28:6

Kabfel’ ni ga ba gafgow ma ga ba yul’yul’ ko bin ni ba yo’or ban’en rom ma gab sasalap.