Proverbs 16:7 - Bible Ni Thothup

⁷ Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

Proverbs 16:7 Referans Kwoze

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

1 John 3:22

Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

2 Kronicles 17:10

Me gagiyegnag SOMOL gubin e pi lung nib liyeg yu Judah ni ngar rusgad ni ngranod ko mael nib togopluw ngak Jehoshafat ni Pilung.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

Jeremiah 15:11

SOMOL, yibil ni yad be tay e nge yib ngog ni fa’anra da ug pigpig ngom ni bfel’ rogon, nge fa’anra da ug wenignag e pi to’ogor rog ngom ko ngiyal’ ni yib e gafgow nib gel ngorad.

Genesis 33:4

Me mil Esau i yib ngak, me yib i gumuchmuch ngak, me faray owchen. Mi yow l’agruw ni yow be yor.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Kolose 3:20

Pi’in bitir, thingar um folgad ko thin rok e gallibthir romed ni gubin ngiyal’ nrogon girdi’en Kristus, ya ireray e n’en ni ba’adag Got.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

Psalms 69:31

Ren’ey e kabfel’ u wan’ SOMOL ko bin ni ngan pi’ ba garbaw ngak ni maligach, kabfel’ ko bin ni ngan pi’ ba garbaw ngak ni kemus ga’ngin.

Genesis 27:41

Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”

1 Peter 3:13

I mini’ e ra rin’ e kireb ngomed ni fa’anra gimed be athamgiliy ni ngam ngongliyed e tin ni bfel’?

Exodus 3:21

“Ma bay gu gagiyegnag piyu Egypt nge yib famed u wun’rad, ya nge taw ko ngiyal’ ni ngam chuwgad rorad, ma dab mmarod ndariy ban’en u pa’med.

Proverbs 3:17

Gonop e ra i tayem ni ga bfelfelan’ ko biney e tamilang, mi i pow’iyem riy ndariy ban’en nra buch rom.

Proverbs 16:8

Bfel ni bochu’uw ban’en rom nim thognag u fithik’ e yul’yul’ ko bin nge yo’or ban’en rom ni yag ngom u fithik’ e sasalap.

Jeremiah 39:12

“Man ngam gay Jeremiah ngam ayuweg. Dab mu maad’ad ngak, ma ngam rin’ e tin ni ba’adag.”

Jeremiah 42:12

Bochan e gu ba wurengan’, ma aram e bay gu gagiyegnag nge kirban’ ngomed nge pagmed ngam sulod nga tafenmed. I Gag SOMOL e kugog e pi thin ney.’

Daniel 1:9

me gagiyegnag Got Ashpenaz nge runguy Daniel me par nib gol ngak.

2 Kronicles 20:30

ma aram me par Jehoshafat ni be gagiyeg u fithik’ e gapas, me yoror Got rok u gubin yang.

Ezra 8:36

Mu kura feked fare gi babyor nike yoloy fare pilung ke pi’ ngorad ngar pi’ed ngak e pi governor nge pi tayugang’ u ley ni ngal e nug nu Eufrates, ma aram me pi’ e pi cha’ney e ayuw ngak fapi girdi’ nge fare Tempel.