Proverbs 16:28 - Bible Ni Thothup

²⁸ Girdi’ ni kireb e yad ma nonnon i yan; yad ma k’aring e oloboch ma yad ma wereg e pi tafger.

Proverbs 16:28 Referans Kwoze

Proverbs 17:9

Fa’anra ga ba’adag ni nge adag e girdi’ dakenam, magn’ag fan rorad e kireb rorad ko ngiyal’ ni kar ngongliyed e kireb ngom. Ra i par e kireb u wun’um ma rayag ni nge kirebnag thilimed e pi tafager.

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

Proverbs 18:8

Gun’gun’ e rib fel’ lamean; aram feni gadad ba’adag i ful’.

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 6:14

ma aram n’umngin nap’an ni yad be tanomnag e kireb u lanin’rad nib pig nga bang, miyad be k’ar oloboch u gubin yang.

2 Korinth 12:20

Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.

Proverbs 30:33

Ga ra gurfiy e milik me yib ni butter. Ga ra tuguy p’ethungun be’ me yib e racha’ riy. Ma fa’anra mu k’aring e damumuw, ma ga ra aw nga fithik’ e oloboch.

1 Samuel 24:9

me ga’ar, “Mangfan ni ga be motoyil ngak e pi’in yad be yog ngom ni gu be guy rogon ni nggu rin’ ban’en ngom?

Proverbs 29:22

Girdi’ nib papey e damumuw ngak e ma k’aring e tugthin nge wagey.

Proverbs 16:27

Girdi’ ni kireb e yad be gay rogon ni ngar gafgow niged boch e girdi’; mus ko thin rorad ma be yik ko kireb.

Proverbs 16:29

Girdi’ ni tamacham e yad ma sabanbannag e pi tafger rorad ngar soregned yad ko oloboch.

Proverbs 17:17

Pi tafager e gubin ngiyal’ ni yad ma dag e t’ufeg rorad. Mang gam’ingin e walag ni fa’anra dab ra puruy’ niged e gafgow rorad.

Proverbs 18:6

Nap’an nra tababnag be’ nib balyang e tugthin, ma be gay ni ngan pirdi’iy.