Proverbs 16:15 - Bible Ni Thothup

¹⁵ Yira fel’ u wan’ fare pilung ma bod e manileng ni be kunuy ir ni nge aw nn’uw u ngilan’ e spring— bay e yafos riy.

Proverbs 16:15 Referans Kwoze

Psalms 72:6

Mang e yigi par e en ni pilung ni bod e n’uw ni be aw nga daken e yungi flang, nge ran ni be tarannag e but’.

Acts 2:28

Kam dag ngog e kanawo’ ni yan ko yafos, ma bay mfelfelan’nigeg ni bochan e ga bay rog.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

Psalms 30:5

Ya damumuw rok e ta’boch ngiyal’, ma feni gol e nap’an e yafos. Ra map e lu’ nnep’, me yib e felelan’ ni kadbul.

Psalms 21:6

Pi fal’eg wa’ath rom e bay rok ni dariy n’umngin nap’an, mab sug ko felfelan’ ni bochan ni ga bay rok.

Psalms 4:6

Me yo’or e girdi’ ni nge meybil ni be lungurad: “SOMOL, kum fal’eg’ boch wa’athmad. Mu changar ngomad u fithik’ e runguy!”

Zekariah 10:1

Nning e n’uw ngak SOMOL u nap’an ni be sum yuwan e gek’iy ko yu duw. I SOMOL e ma pi’ e manileng ni baye n’uw riy nge aw, ni nge galunglung nag e yung i flang ni fan ngak gubin e girdi’.

Proverbs 16:14

Be’ nib gonop e ma guy rogon ngi i par fare pilung nib felfelan’; ya fa’anra damumuw fare pilung ma rayag ni nge yim’ be’.

Proverbs 29:26

Gubin e girdi’ ma ba’adag ni ngi i fel’ u wan’ e en tagagiyeg, machane go’ SOMOL e ra pi’ ngom e tin nib mat’aw.