Proverbs 16:14 - Bible Ni Thothup

¹⁴ Be’ nib gonop e ma guy rogon ngi i par fare pilung nib felfelan’; ya fa’anra damumuw fare pilung ma rayag ni nge yim’ be’.

Proverbs 16:14 Referans Kwoze

Proverbs 20:2

Ngam tamdag ngak ba pilung nike damumuw ni bod rogon ni ga ra tamdag ngak ba layon nike puwan’; ga ra k’aring e damumuw ngak ma bod ni ngam li’em nga mum’.

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

2 Korinth 5:20

Ere gamad be weliy e thin rok Kristus ngomed, ni aram e be wenig Got ngomed u l’ugunmad: ere gamad be wenig ngomed ni pa’ Kristus ni ngam paged Got nge pingegmed e to’ogor rok ngam manged pi tafager rok!

Acts 12:20

Ma kari damumuw Herod ngak e girdi’ nu Tyre ngu Sidon; miyad yan ni yad ba ulung ni ngranod ra guyed Herod. Som’on e ra guyed rogon nge fol Blastus ngorad; ni ir e mmil fan e re naun nem ntafen e pilung ngak. Ma aram miyad yan ngak Herod ngar weniggad ngak ni nge aw e gapas u thilrad, ya nam rorad e yad ma fek garad ko nam rok e re pilung nem.

Mark 6:27

Ma ka chingiyal’ nem me l’oeg fare pilung reb e salthaw u fithik’ e salthaw ni yad ma matanagiy ni nge yan i fek lolugen John i yib ngak. Me ere yan i th’ab k’angan u kalbus;

Eklesiastes 10:4

Fa’anra damumuw e en nib ga’ rom ngom, ma dab mu pi’ babyorem ni ngam tal ko maruwel; ma tin ni rib kireb ni ka mu rin’ e rayag ni ngan pithgem riy ni fa’anra mu th’ab gulngam.

Proverbs 17:11

Yam’ e mayib ni bod ba tamal’og ni der runguy be’ ngak e pi’in kireb ni go’ makar oloboch e yad ma tay.

Genesis 40:2

I damumuw Farao ngak e gali cha’nem ni l’agruw i tapigpig rok nib tolang,

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 16:13

Pilung e ba’adag ni nge rung’ag e tin riyul’ mma fol ngak e pi’in yad e rogned.

Proverbs 16:15

Yira fel’ u wan’ fare pilung ma bod e manileng ni be kunuy ir ni nge aw nn’uw u ngilan’ e spring— bay e yafos riy.

Proverbs 29:8

Girdi’ nder leamnag boch e girdi’ e rayag ni nge yin’ ga’ngin bbinaw nga fithik’ e wagagey ni dakriy yarmen. Ma pi’in gonop e yad ma awnag e gapas u ban’en.

Ester 7:7

Me sak’iy fare pilung ni kari damumuw ngalang, nge chuw u lan fare senggil, nge yan nga wean ngalan e milay’. Ma kenang Haman nike t’ar fare pilung u wan’ ni nge gechignag ni fan e ren’ey, ma aram me par nde yan nga wean ni nge wenig ngak Queen Ester ni nge ayuweg e pogofan rok.

Proverbs 29:26

Gubin e girdi’ ma ba’adag ni ngi i fel’ u wan’ e en tagagiyeg, machane go’ SOMOL e ra pi’ ngom e tin nib mat’aw.

Daniel 2:16

Ka chingiyal’nem me yan Daniel nge wenignag ngak e en pilung ni dab ka’an rin’ e tin keyog, nge yag ni nge weliy ngak e en ni pilung fan fare lik’ay rok.